Pra heta Alaksandr Łukašenka zajaviŭ siońnia pry naviedvańni 5-j asobnaj bryhady śpiecyjalnaha pryznačeńnia, piša BiełTA.
«Kali mnie daviałosia vyznačacca, jakija ŭzbrojenyja siły nam treba, asabliva paśla 2010 hoda, ja zrazumieŭ, što treba mieć u zapasie padrychtavanych bajcoŭ, častki va Uzbrojenych siłach. Na ŭsialaki vypadak, — skazaŭ Alaksandr Łukašenka. — Niepažadana, viadoma, kab nam pryjšłosia źviartacca da Uzbrojenych siłaŭ. Ale ŭsiakaje moža być. Prykładam tamu źjaŭlajucca ZŠA».
Biełaruski kiraŭnik nahadaŭ, što amierykanskamu prezidentu daviałosia ŭ niekatorych štatach vyvieści vojska na vulicu. «Toje, što adbyvajecca siońnia ŭ ZŠA, pa-pieršaje, u śviecie nichto nie čakaŭ. Pa-druhoje, heta ciažkaja katastrofa dla ŭsiaho śvietu. Kali prezident ZŠA vytrymaje hety cisk, heta budzie dobry znak i dla nas. Tamu što kali nachilicca, a nie daj boh, abryniecca hetaja impieryja, śvietu budzie niesałodka», - ličyć jon.
Havoračy pra voinskija čaści ŭ Marjinaj Horcy i staličnym Uruččy, Alaksandr Łukašenka źviarnuŭ uvahu, što jany dobra padrychtavanyja, u tym liku kab nie dapuścić eskałacyi ŭnutry krainy.
«Dziaržsakratar pravilna skazaŭ, što ŭsiakija vojny ciapier pačynajucca z vuličnych pratestaŭ, demanstracyj, potym majdany. Na majdan, kali svaich niama (u nas zamała «majdanutych»), ich padciahnuć z boku. Heta prafiesijnyja vajskoŭcy, bandyty, jakija śpiecyjalna rychtujucca, u asnoŭnym u ramkach PVK (pryvatnyja vajskovyja kampanii) va ŭsim śviecie, i zarablajuć vialikija hrošy na pravakacyjach u tych ci inšych dziaržavach», - adznačyŭ Łukašenka.
Jon dadaŭ, što tak było ŭ cełym šerahu krain, uklučajučy Liviju, Irak, Siryju. «Stała tolki horš. Heta kiravany chaos», - skazaŭ Alaksandr Łukašenka.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary