Łukašenka prajhraŭ u chakiej

Kamanda Łukašenki sastupiła Homielskaj vobłaści.

U minskim Pałacy sportu 19 krasavika zaviaršyŭsia finalny raund Druhich respublikanskich spabornictvaŭ pa chakieju siarod amatarskich kamand na pryzy Prezidenckaha spartyŭnaha kłuba.

U vyrašalnym pajadynku kamanda Homielskaj vobłaści abyhrała minułahodniaha pieramožcu — družynu prezidenta Biełarusi — 9:8 (4:3, 2:2, 3:3) i stała ŭładalnikam hałoŭnaha pryza, pieradaje karespandent BIEŁTA.

Najlepšyja snajpiery finalnaha matču — forvardy Michaił Klimin z Homielskaj vobłaści i Andrej Astaševič z kamandy Łukašenki, jakija zakinuli pa try šajby.

Alaksandr Łukašenka zakinuŭ adnu šajbu i staŭ aŭtaram dźviuch vynikovych pieradač.

Pryzy lepšym ihrakam sustrečy ŭ składzie kamandy Łukašenki atrymali forvard Andrej Astaševič i abaronca Aleh Mikulčyk.

Napiaredadni finalnaha raunda kamanda Homielskaj vobłaści ŭmacavałasia vice‑čempijonami biełaruskaj ekstralihi ŭ składzie kłuba «Homiel» abaroncami Andrejem Filičkinym, Jarasłavam Maślenikavym, forvardami Michaiłam Kliminym, Paŭłam Musijenkam, Jaŭhienam Jesaułavym.

Kamanda Łukašenki akazałasia asłablenaj adsutnaściu Uładzimira Cypłakova, jaki staŭ najlepšym bambardziram papiaredniaha etapa spabornictvaŭ. Jon u składzie štaba nacyjanalnaj zbornaj Biełarusi adpraviŭsia na tavaryskija matčy ŭ Hrenobl. Z trybun za finalnym pajadynkam naziraŭ adzin z pastajannych udzielnikaŭ kamandy prezidenta Michaił Zacharaŭ, jaki traŭmavany.

Bronzavym pryzioram Druhich respublikanskich spabornictvaŭ pa chakiei siarod amatarskich kamand na pryzy Prezidenckaha spartyŭnaha kłuba stała kamanda Minskaj vobłaści, jakaja ŭ matčy za 3‑ie miesca pieramahła družynu Viciebskaj vobłaści — 10:4.

Padahulniajučaje ž stanovišča kamand paśla papiaredniaha etapa było takoje: kamanda prezidenta Biełarusi — 12 ačkoŭ (roźnica šajbaŭ 63‑33), Homielskaja vobłaść — 8 (63‑36), Minskaja vobłaść — 8 (66‑40), Viciebskaja vobłaść — 7 (46‑44), Hrodzienskaja vobłaść — 5 (34‑38), Bresckaja vobłaść — 2 (31‑53), Mahiloŭskaja vobłaść — 0 (30‑89).

Najlepšym varatarom turniru pryznany varatar kamandy Homielskaj vobłaści Dźmitryj Kuźniacoŭ, jaki adbiŭ 3 bulity ŭ finalnym pajadynku. Lepšym abaroncam nazvany Aleh Ramanaŭ, forvardam — Andrej Kavaloŭ z kamandy Łukašenki.

Najlepšym bambardziram staŭ forvard Łukašenki Andrej Astaševič, jaki zarabiŭ 27 bałaŭ (12+15) pa sistemie «hoł plus pas».

Sam Alaksandr Łukašenka nabraŭ 16 ačkoŭ (4+12).

Arhanizatarami spabornictvaŭ źjaŭlajucca respublikanskaje dziaržaŭna‑hramadskaje abjadnańnie «Prezidencki spartyŭny kłub», Ministerstva sportu i turyzmu Biełarusi, asacyjacyja «Fiederacyja chakieja Respubliki Biełaruś» i Minski haradski vykanaŭčy kamitet.

• 0
• 0
• 0
• 0
• 0
• 0
• 0
• 0