Kalektyŭ sajtu charter97.org u hety čas vioŭ tranślacyju ŭ Internecie tradycyjnaj akcyi apazicyi «Čarnobylski šlach».
26 krasavika prykładna ŭ 12.30 u pamiaškańnie, jakoje zdymaje žurnalistka sajtu Chartyi'97 Natalla Radzina, pryjšli supracoŭniki adrazu niekalkich adździełaŭ Leninskaha RUUS. Milicyjanty raspačali sprobu kanfiskavać kamputary.
Pry praniknieńni ŭ kvateru supracoŭniki Leninskaha RUUS Mienska zajavili, što pravodziać apytańnie žycharoŭ doma ŭ suviazi z kradziažom rovara ŭ firmie, źmieščanaj pa susiedstvie. Adnak, ubačyŭšy ŭ kvatery niekalki kamputaraŭ, supracoŭniki milicyi adrazu ž vyklikali padmohu. Ahladali pamiaškańnie 7 milicyjantaŭ z adździełaŭ pa baraćbie z karupcyjaj i ekanamičnymi złačynstvami, kryminalnaha vyšuku i adździełu papiaredniaha rasśledavańnia.
Kalektyŭ sajtu charter97.org u hety čas vioŭ tranślacyju ŭ Internecie tradycyjnaj akcyi apazicyi «Čarnobylski šlach». Milicyjanty zapatrabavali va ŭsich supracoŭnikaŭ pašparty. Milicyjantam padałosia «padazronym», što ŭ kvatery znachodziacca kamputary, asabliva ich naściarožyła, što na sajcie, adkrytym na adnym z kamputaraŭ, byŭ fotazdymak Alaksandra Łukašenki, a na ścianie visieŭ aranžavy ściah ukrainskaj revalucyi z łozunham «Tak!».
Pry hetym adzin ź milicyjantaŭ skazaŭ litaralna nastupnaje: «Siońnia ž taki dzień, 26 krasavika, u Miensku prachodzić akcyja. Što vy tut robicie? Moža być, vy pieradajacie infarmacyju, kaardynujecie dziejańni demanstrantaŭ?».
Padmoha ź jašče niekalkich supracoŭnikaŭ, jakaja prybyła, adrazu ž zajaviła, što zaraz vypišuć pastanovu ab kanfiskacyi ŭsich kamputaraŭ, jakija znachodziacca ŭ kvatery, kab daviedacca «na jakija sajty z hetych kamputaraŭ zachodziać, jakuju elektronnuju poštu ź ich adpraŭlajuć i jakuju infarmacyju jany źmiaščajuć». Kali ž milicyjantam paviedamili, što ŭ hetym pamiaškańni pracujuć žurnalisty sajtu Chartyi'97, jany adrazu ž patelefanavali svajmu načalstvu. Paraiŭšysia pa telefonie, častka milicyjantaŭ pakinuli kvateru. Jašče dvoje supracoŭnikaŭ jašče paŭtary hadziny apytvali žurnalistaŭ, pierapisvali ichnyja pašpartnyja dadzienyja i pakinuli kvateru tolki paśla 15.00, u momant, kali skončyŭsia «Čarnobylski Šlach».
Na pytańnie, čamu ŭ pres-centr Chartyi'97 u dzień praviadzieńnia Čarnobylskaha Šlacha pryjšli supracoŭniki milicyi, adnaznačna adkazać nielha. Žurnalisty sajtu nie vyklučajuć, što siłavyja struktury chacieli sarvać ich pracu pa aśviatleńni akcyi apazicyi. Ale, mahčyma, milicyja kidaje svaje lepšyja siły na pošuki źnikłaha rovara. Tady heta pachvalna.
Ciapier čytajuć
«Ja asasin, bł*!» Ekśpiert-juryst z STB nieadekvatna pavodziŭ siabie na Zybickaj. Videa sabrała miljony prahladaŭ — chto jon10
Kamientary