Minčuku, jakoha z RUUS zabrała chutkaja, stała horš: ranicaj nie paznaŭ žonku
Maksimu Charošynu, zatrymanamu nieviadomymi 13 kastryčnika i dastaŭlenamu ŭ balnicu ŭ ciažkim stanie, stała horš. Ranicaj jon nie paznaŭ svaju žonku Kaciarynu. Taksama lekary vyjavili prykmiety novych traŭmaŭ, piša Jeŭraradyjo.
«Jamu stała horš unačy. Navat nie paznavaŭ ranicaj mianie, — kaža Kaciaryna Charošyna Jeŭraradyjo. — Lekary zrabili jamu niejki ŭkoł, kab stała lahčej. Pieryjadyčna prychodziać niejkija daktary. Siońnia jamu paćvierdzili čerapna-mazhavuju traŭmu i pryznačyli dadatkovyja daśledavańni, bo prajavilisia dadatkovyja traŭmy: jość boli ŭ pazvanku, hrudnoj kletcy, šyjnym adździele».
Pa słovach žonki, advakata i samoha Maksima, pry zatrymańni suprać jaho ŭžyvali fizičnuju siłu, a ŭ Pieršamajskim RUUS źbili tak, što daviałosia vyklikać miedykaŭ. Mužčyna ŭdzielničaŭ u mirnych akcyjach pratestu, daryŭ kvietki žančynam. Videa, dzie vidać, jak Charošyn ź ciažkaściu idzie da chutkaj, 13 kastryčnika atrymała šyroki rozhałas. Druhi dzień zapar u kvietkavuju kramu Maksima staić čarha pakupnikoŭ, kab padtrymać jaho.
«Heta jamu vielmi padymaje nastroj. Kali pryjšła [siońnia], to jon byŭ nie ŭ vielmi pryjemnym stanie duchu, ale jamu pakazała [zdymki čarhi. — Jeŭraradyjo]. My vielmi ŭdziačnyja i chočam prydumać niešta, jak pryjdziem u siabie, dla ludziej, jakija ŭ takuju niepahadź stajać u takoj čarzie», — kaža Kaciaryna.
Jak dadała Kaciaryna, jany z mužam płanujuć na dziejańni siłavikoŭ padać zajavu ŭ Śledčy kamitet. Ciapier nad hetym pracuje advakatka.
13 kastryčnika staličnaja milicyja prakamientavała situacyju z Maksimam Charošynym: jaho źbićcio nazvali niepravieranymi źviestkami.
Charošyn udzielničaŭ u mirnych akcyjach pratestu, daryŭ kvietki žančynam.
Uviečary 13 kastryčnika ŭ kvietkavuju kramu Charošyna stała čarha pakupnikoŭ, kab padtrymać jaho.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2222
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?22
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3131
Kamientary