Prezident Biełarusi Alaksandr Łukašenka ličyć patrebnym dabicca poŭnaj jasnaści ŭ isnujučych pytańniach adnosin Biełarusi i Rasii.
Ab hetym jon siońnia skazaŭ na sustrečy z Nadzvyčajnym i Paŭnamocnym Pasłom Rasijskaj Fiederacyi ŭ Respublicy Biełaruś Alaksandram Surykavym.
Kiraŭnik dziaržavy adznačyŭ, što jon adkryvaje novuju staronku va ŭzajemaadnosinach z zamiežnymi dypłamatami. Pry hetym Alaksandr Łukašenka rastłumačyŭ, źviartajučysia da rasijskaha pasła: &
laquo;Vy da inšaziemcaŭ nie naležycie. Vy — našy ludzi. Tym nie mienš, vy pradstaŭlajecie samy blizki nam narod Rasii, a tamu ja i vyrašyŭ adkryć hetu staronku sustrečaj z vami».
Alaksandr Łukašenka prapanavaŭ Alaksandru Surykavu pradoŭžyć razmovu ŭ farmacie sam‑nasam.
«Pierakanany, što vy jak pasoł dałožycie kiraŭnictvu Rasijskaj Fiederacyi ŭsie fakty, kab pamiž Minskam i Maskvoj było bolš razumieńnia pa tych ci inšych pytańniach», — skazaŭ prezident.«Ja chacieŭ by, kab naša ščyraja i ciopłaja razmova pakłała dobry pačatak tradycyi ŭzajemaadnosin z pasłami zamiežnych dziaržaŭ», — padkreśliŭ kiraŭnik dziaržavy.
U svaju čarhu pasoł Rasii nazvaŭ rašeńnie Alaksandra Łukašenki pravilnym i svoječasovym, asabliva na fonie hłabalnaha ekanamičnaha kryzisu.
Biełaruska‑rasijski tavaraabarot u 2008 hodzie dasiahnuŭ rekordnaj adznaki — amal $34,2 młrd. Ekspart biełaruskich tavaraŭ u Rasiju pierasiahnuŭ $10 młrd. i ŭzros na 19,2 pracenta ŭ paraŭnańni z papiarednim hodam.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary