Barel nafty marki WTI padčas tarhoŭ na Ńju‑iorkskaj tavarnaj biržy (NYMEX) u sieradu vyras u košcie na 2,50 dalary.
Na zakryćci tarhoŭ kantrakty na pastaŭku nafty ŭ červieni handlavalisia pa košcie 56,34 dalara za barel. U Łondanie paŭnočnamarskaja nafta Brent u sieradu dasiahnuła koštu 56,15 dalara za barel — na 2,03 dalara vyšej, čym na zakryćci tarhoŭ u aŭtorak, paviedamlaje Agence France‑Presse.
Ekśpierty źviazvajuć stanoŭčuju dynamiku koštaŭ, jakija iznoŭ abnavili maksimum 2009 hoda, z pavieličeńniem zapasaŭ nafty ŭ ZŠA tolki na 600 tysiačaŭ barelaŭ (pry čakanaj sumie — bolš za dva miljony). Akramia taho, adznačajecca stanoŭčaja rola źviestak pa zvalnieńniach u krasaviku: za miesiac u ZŠA skaracili 491 tysiaču pracoŭnych miescaŭ, pry tym što ŭ sakaviku hetaja kolkaść składała 708 tysiačaŭ.
Amierykanskija fondavyja indeksy ŭ sieradu taksama prademanstravali rost: pramysłovy indeks Dow Jones vyras na 1,22 adsotka da 8513,64 punkta, indeks šyrokaha rynka Standard & Poor's 500 uźniaŭsia na 1,73 adsotka da 919,45 punkta, a vysokatechnałahičny Nasdaq vyras na 0,28 adsotka i dasiahnuŭ 1759,10 punkta.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?2
Kamientary