Prezident Ukrainy Viktar Juščanka vykazaŭ škadavańnie, što Alaksandr Łukašenka nie ŭdzielničaje va ŭstanoŭčym samicie Uschodniaha partniorstva ŭ Prazie.
Pierad pačatkam samita ŭkrainski lider zajaviŭ žurnalistam, što «ŭ lubym vypadku biełaruski vybar — heta jeŭraintehracyja i ŭklučeńnie ŭ jeŭrapiejskija pracesy». «Miesca i rola Biełarusi va Uschodnim partniorstvie vielmi važnyja i patrebnyja», — upeŭnieny jon.
7 traŭnia ŭ Prazie Juščanka pravioŭ sustreču ź jeŭrakamisaram pa źniešniaj palitycy Bienitaj Fierera‑Valdnier, ź jakoj, u pryvatnaści, abmierkavaŭ raźvićcio biełaruska‑ieŭrapiejskich adnosin. Jon vykazaŭ nadzieju, što hetaje dvuchbakovaje supracoŭnictva budzie aktyvizavana.
Nahadajem, 6 traŭnia prezidenty Ukrainy i Biełarusi sustrakalisia ŭ Homieli, dzie Łukašenka vykazaŭ padziaku ŭkrainskamu kalehu za padtrymku ŭdziełu Biełarusi ŭ prahramie «Uschodniaje partniorstva».
Samit prachodzić u zakrytym režymie. Žurnalisty mieli mahčymaść prasłuchać pryvitalnyja repliki premjera Čechii Mireka Tapałanieka (kraina staršynstvuje ŭ ES) i staršyni Jeŭrakamisii Žaze Manuela Barozu.
Paśla zaviaršeńnia samita adbudziecca pres‑kanfierencyja češskaha staršynstva. Z žurnalistami taksama sustreniecca Viktar Juščanka. Biełaruskaja delehacyja sustrakacca z pradstaŭnikami ŚMI nie płanuje.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam4
Kamientary