Udzielniki haładoŭki salidarnaści ź Mikałajem Aŭtuchovičam, Juryjem Lavonavym i Uładzimiram Asipienkam spynili akcyju.
Takoje rašeńnie jany pryniali 15 maja paśla zvarotu da ich biełaruskich palitykaŭ — adnaho ź lideraŭ niezarehistravanaj partyi "Biełaruskaja chryścijanskaja demakratyja" Paŭła Sieviarynca, kiraŭnika Partyi BNF Lavona Barščeŭskaha, lidera ruchu "Za Svabodu" Alaksandra Milinkieviča, a taksama Mikałaja Statkieviča i Viačasłava Siŭčyka.
Pavodle apošnich źviestak, u haładoŭcy ŭdzielničali 32 čałavieki. Ź ich pa stanie na 15 maja piaciora haładali ŭ ofisie Partyi BNF u Minsku.
Źviartajučysia da maładych ludziej padčas pres-kanfierencyi, jakaja prajšła ŭviečary 15 maja va ŭpravie Partyi BNF, palityki zajavili, što asnoŭnaja zadača haładoŭki salidarnaści z vaŭkavyskimi pradprymalnikami — pryciahnieńnie ŭvahi da ich losu — vykanana.
Jany zaznačyli, što zaraz da losu Aŭtuchoviča, Lavonava i Asipienki pryciahnuta ŭvaha i suśvietnaj hramadskaści. U pryvatnaści, Alaksandr Milinkievič paviedamiŭ, što niadaŭna sustrakaŭsia z pradstaŭnikami dypłamatyčnaha korpusa ŭ Biełarusi. "Im užo nie treba tłumačyć, što takoje "sprava Aŭtuchoviča, Lavonava i Asipienki", — skazaŭ jon. — Tamu ciapier my zaklikajem maładych ludziej spynić haładoŭku. Sa svajho boku zajaŭlajem, što zrobim pa dypłamatyčnych kanałach usio mahčymaje, kab uvaha da spravy vaŭkavyskich pradprymalnikaŭ nie słabieła".
Jak raniej paviedamlaŭ BiełaPAN,
4 maja šerah palityčnych i hramadskich dziejačaŭ Biełarusi abjavili biesterminovuju haładoŭku ŭ padtrymku zatrymanych vaŭkavyskich pradprymalnikaŭ, jakija znachodziacca ŭ staličnym SIZA № 1.
Udzielniki haładoŭki patrabavali źniać abvinavačańni z Aŭtuchoviča, Lavonava i Asipienki, nieadkładna vyzvalić ich, a taksama reabilitavać usich palitźniavolenych u krainie i spynić pieraśled hramadzian pavodle palityčnych matyvaŭ.
Mikałaj Aŭtuchovič abviaściŭ haładoŭku 16 krasavika. Jon patrabuje ŭ najkaraciejšyja terminy albo pieradać spravu ŭ sud, albo źmianić usim padślednym pa hetaj spravie mieru strymańnia z utrymańnia pad vartaj na padpisku ab nievyjeździe. Pavodle źviestak BiełaPAN, Aŭtuchovič praciahvaje haładoŭku.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1919
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?19
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary