Siamja Nadziei Jermakovaj zdaje katedž u Drazdach za $3500 FOTA
Upieršyniu za doŭhi čas na sajtach ahienctvaŭ nieruchomaści źjaviłasia abjava ab tym, što ŭ praciahłuju arendu zdajecca katedž u čynoŭnickaj častcy Drazdoŭ. Nievialiki dom płoščaj 250 kvadratnych mietraŭ znachodzicca ŭ Izumrudnym zavułku.
Haspadary hetaha katedža — Natalla i Alaksiej Čepikavy. Heta adpaviedna dačka i ziać byłoj staršyni Nacbanka Nadziei Jermakovaj.
Situacyja Jermakovaj unikalnaja — jana adzinaja z čynoŭnikaŭ, kamu ŭdałosia atrymać ad dziaržavy adrazu dva elitnyja ŭčastki ŭ Drazdach.
Jaje papiarednik na čale Nacbanka Piatro Prakapovič taksama zajmieŭ dva damy, ale druhi znachodzicca za «Minsk-Arenaj», a nie ŭ samich Drazdach.
Što ŭjaŭlaje ź siabie katedž siamji Jermakovaj? Dom na dva pavierchi z 7 pakojami (5 ź ich žyłych), dva vannyja pakoi. U abviestcy pišuć, što žytło ŭkamplektavanaje meblaj i technikaj, choć ich na zdymkach niama. Zatoje jość kamin. Na dahledžanym učastku staić svaja łaźnia i haraž na dźvie mašyny.
Haspadary doma prosiać za jaho $3500 na miesiac.
Cikava, što niekalki hadoŭ tamu ŭ ŚMI ŭžo źjaŭlałasia infarmacyja pra sprobu siamji Jermakovaj zdać katedž u arendu. Ale tady hučali našmat bolšyja ličby — $6000 i navat $7500.
Čytajcie. Ad Abielskaj da Jarmošynaj: 113 uładalnikaŭ katedžaŭ u Drazdach, poŭny śpis
-
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
-
Niepadalok ad płoščy Pieramohi ŭ niezvyčajnym domie pradajecca kvatera z sadam pad voknami i miescam dla barbiekiu
-
Pravieryć košt kvatery anłajn možna ciapier nie tolki ŭ Minsku
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary