Haradzienku Juliju Aršun asudzili da dvuch hadoŭ «chatniaj chimii» za źniavahu ŭčastkovaha
5-6 studzienia była razhledžana kryminalnaja sprava haradzienki Julii Aršun. Jaje abvinavacili pavodle artykuła 369 Kryminalnaha kodeksa — za źniavahu pradstaŭnika ŭłady. Sprava była pačataja za dopis na adras adnaho z učastkovych milicyjantaŭ Harodni, paviedamlaje «Haradzienskaja viasna».
Spravu razhladała sudździa Leninskaha rajonnaha suda horada Alena Piatrova. Dziaržaŭnym abvinavaŭcam vystupiła prakuror Alina Čužaziemiec.
U vieraśni 2020 hoda haradzienka pakinuła kamientar pad fatahrafijaj mužčyny ŭ cyvilnym u adnym z telehram-kanałaŭ.
Pačatkova kryminalnaja sprava Julii Aršun pavinna była razhladacca ŭ sudzie Kastryčnickaha rajona, ale paśla jaje pieranieśli ŭ sud Leninskaha rajona. Julija Aršun — maładaja žančyna, jakaja adna vychoŭvaje małoje dzicia. Jana pryniesła publičnyja prabačeńni milicyjantu na haradzienskim telekanale, što tranślavalisia jašče 3 listapada. Na pracesie hetyja prabačeńni byli paŭtorany, učastkovy milicyjant nie mieŭ da Aršun materyjalnych pretenzij i prasiŭ sud mocna nie karać jaje.
Na sudzie abvinavačanaja svaju vinu nie pryznała. Kaža, što, raźmiaščajučy kamientar, nie viedała, što mužčyna na fotazdymku — supracoŭnik pravaachoŭnych orhanaŭ.
— Uraziła, što mužčyna na fota trymaŭ u rukach videakamieru i pry hetym uśmichaŭsia, hledziačy, jak hruba zatrymlivajuć ludziej na vulicy. Na emocyjach ja voś i napisała taki kamientar, — patłumačyła na sudzie haradzienka. — Uźnikła pačućcio niespraviadlivaści… Stolki ŭsiaho adbyvałasia za apošni čas, stolki ludziej paciarpieli. Voś i na emocyjach napisała heta.
Paciarpieły — haradzienski ŭčastkovy inśpiektar Putnikaŭ byŭ nie zhodny z takoj pazicyjaj i pierakanany, što Julii Aršun było viadoma, što na zdymku byli supracoŭniki pravaachoŭnych orhanaŭ.
U vyniku sudździa Alena Piatrova prysudziła Julii Aršun dva hady abmiežavańnia svabody biez nakiravańnia va ŭstanovu adbyćcia pakarańnia ( tak zvanaj «chatniaj chimii»).
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie5
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3232
Kamientary