Repartaž ź fiestyvalu B2gether u Narviliškach

Leta mała. Pra heta viedali na vialikim kancercie na volnym pavietry Bela-Music-09 pad Minskam, pra heta zdahadvajucca na biełaruska-litoŭskim pamiežžy ŭ Narviliškach na vializnym oŭpen-ejry B2gether. I tamu, zachapiŭšy płaščy i parasony, masava pryjechali na kancert.

Pavodle arhanizatara fiestyvalu Hiedrusia Klimkievičusa u piatnicu pasłuchać muzyku ci nie ŭsich mažlivych nakirunkaŭ i stylaŭ, prybyła 6 tysiačaŭ, u tym liku pryblizna 2 tysiačy ź Biełarusi. U subotu, u asnoŭny dzień fiestyvalu, čakajecca jašče bolš.

Siońnia na fiestyvali, jaki praciahniecca da niadzieli, vystupić fłahman biełaruskaha roka «Lapis Trubieckoj» i jašče adzin biełaruski hurt Toobes, a ŭčora, pad sucielnaj zaviesaj daždžu, dychtu davaŭ favaryt ciotki Madony — Gogol Bordello. Navat reč nie ŭ tym, što miehazorka ŭ bardelščykaŭ chodzić u pradusarach: jak zajaŭlaje lider hurtu Jaŭhienij Hudź, jon «sam z vusam». A tamu jak było niejmaviernaje šoŭ: cyhanska-ekvadorska-ruskija tancy pad akardeon i skrypku. Dla samavyrazu ekzatyčny ansabl pieśni i skokaŭ vykarystaŭ usio: i pazołačanaje sambrera, i rastamanskaje ponča, nakinutaje na samaho Jaŭhienija, ci to mazachisckaja, ci to baksiorskaja maska na tvar, i navat bieł-čyrvona-bieły ściah, vykinuty na scenu i ŭmieła padchopleny druhim salistam, Piedram Erazam. I tamu zuchavaty paŭtorak, źviernuty da animnaj Vijalety: Start wearing purple / «Davaj, apranaj purpurnaje!» hučaŭ jak kpina — nu, kudy jašče i purpur pavierch usiaho hetaha?!

Uvohule, u piatnicu byŭ viečar adkryćciaŭ. Usie pryznavalisia ŭ lubovi da hetaha riehijonu Jeŭropy. Chip-chopier Majkł Piereta, viadomy pad mianuškaj Evidence, z Dilated people navat pryznaŭsia, što mama jaho pachodzić z-pad Miensku i što, niahledziačy na jaho imidž złobnaha repiera, nie jeździć na džypie (jaho kanfiskavali za niaspłatu štrafaŭ). Pryhadany vyšej Jaŭhien Hudź, lider «Bardela imia Hohala», u svaim ekskluziŭnym intervju biełaruskim žurnalistam (jakoje jon, jak kankretny cyhan, daŭ za barnaj stojkaj), pryznaŭsia, što z svaju badziača-doŭhuju karjeru byŭ taksama ŭ Miensku ŭ 1989, kali jechaŭ na kancert hurtu «Alisa». A na pytańnie «Biełaruś - heta dobra ci kiepska?», adkazaŭ «Biełaruś — heta «Dynama» (Minsk)!».

P.S. Fiestyval B2gether robicca paznavalnym: užo źjavilisia sakołki, dzie padajucca admietnyja rasšyfroŭki litary V z nazvy:

Baby2gether (Zrobim razam dziciatka)

Beer2gether (papjem razam piva)

• 0
• 0
• 0
• 0
• 0
• 0
• 0
• 0