Voś, što možna zrabić, kab zastavacca maksimalna ananimnym i abaronienym ad spamu.
1. Kab schavać svoj mabilny numar
Zachodzim u Nałady, abirajem Kanfidencyjalnaść — numar telefona.
Vybirajem Nichto i zabaraniajem bačyć vaš numar telefona, a nižej vybirajem Maje kantakty — ciapier tolki jany zmohuć znachodzić vas pa numary telefona.
2. Adklučyć sinchranizacyju kantaktaŭ
Zachodzim u nałady — Pryvatnaść i biaśpieka — Kantakty — Vyklučyć sinchranizacyju kantaktaŭ.
Heta treba, kali vy nie chočacie, kab vypadkovyja kantakty (skažam, ŽES, zavuč škoły i h. d.) bačyli vaš numar.
3. Vydalić / źmianić publičny niknejm
Zachodzim u Nałady, kala avatara naciskajem Źmianić — Imia karystalnika.
Niahledziačy na schavany numar telefona, vas usio roŭna možna znajści pa imieni karystalnika, i, mahčyma, mienavita pa niknejmie rassyłajecca spam. Kali chočacie, jaho možna prybrać ci skaracić.
4. Vydalić fota z profila
Zachodzim u Nałady — Kanfidencyjalnaść — Fota profila — Maje kantakty.
Kali nie chočacie, kab jaho bačyli inšyja, jaho možna schavać.
5. Vydalić spasyłku na akaŭnt pry pierasyłcy vašych paviedamleńniaŭ
Zachodzim u Nałady — Kanfidencyjalnaść — Profil pry pierasyłcy — Nichto.
Takim čynam vy zabaraniajecie pierachodzić u vaš akaŭnt nieznajomcam, kali z čata vaša paviedamleńnie kamuści pierasyłajuć.
6. Zabaraniajem prymać zvanki ad nieznajomcaŭ
Zachodzim u Nałady — Kanfidencyjalnaść — Profil pry pierasyłcy — Nichto / Maje kantakty.
Nie chočacie vypadkova pryniać zvanki ź nieznajomych numaroŭ? Možna dadać u vyklučeńni tolki tych ludziej, z kim vy majecie znosiny.
7. Chočacie zabaranić, kab vas zaprašali ŭ supołki?
Zachodzim u Nałady — Kanfidencyjalnaść — Supołki — Maje kantakty.
Kali vy nie chočacie, kab vas dadavali ŭ roznyja čaty i kanały, to voś rašeńnie.
8. Chočacie adklučyć bačnaść svajho akaŭnta pa hieałakacyi?
Zachodzim u kantakty — Šukać ludziej pobač — Zabaranić.
Heta kali vam nie treba, kab vaš akaŭnt śviaciŭsia, kali vy hulajecie.
9. A što z akaŭntami, ź jakich prychodzić spam? Prosta błakujcie ich.
10. I, nahadajem, heta praviły biaśpieki i kanfidencyjalnaści kankretna dla Telehrama, a nie dla smartfona ci internetu ŭ cełym. Kali vam treba ŭ cełym, pahuhlicie «Praviły biaśpieki i kanfidencyjnaści ŭ internecie».
-
«Ździełka zhareła». Aŭtar knihi «Aŭtarytaryzm pad pahrozaj» pieraličyŭ padstavy dla aptymizmu nakont budučyni Biełarusi
-
«Pra niešta my nie havorym, pamoŭčvajem». Łukašenka ź ciažkaściu havaryŭ, ale nastrojvaŭ hienierałaŭ na baraćbu za mir da apošniaj kropli kryvi
-
Biełaruski internet pad botami: jak ich raspaznavać i što ź imi robiać
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam11
Kamientary