Były biełaruski śpiecnazaviec Ihar Makar, jaki staŭ fihurantam novaj kryminalnaj spravy pra nibyta padrychtoŭku zamachu na Alaksandra Łukašenku, u intervju «Biełsatu» abviarhaje svaju datyčnaść da hetaha.
Ihar Makar zajaviŭ, što nie arhanizoŭvaŭ sustreču ŭ Maskvie ź siłavikami i navat «nie byŭ u kursie, što tudy palacieŭ» Juraś Ziankovič. Pavodle jaho, jon taksama daviedaŭsia pra zatrymańnie Ziankoviča tolki praź niekalki dzion paśla zatrymańnia Alaksandra Fiaduty i Ryhora Kastusiova.
«Da hetaha mianie papiaredzili maje kalehi, jakija pracujuć u Kamitecie, što vyjechała hrupa na zatrymańnie Dźmitryja Bałkunca, majho siabra. Ja ź Dzimam źviazaŭsia, a jon mnie nie adkazaŭ. Ja jamu šmat razoŭ pisaŭ, i paśla praz dva dni Dzima vyjšaŭ na suviaź i mnie adpisaŭ. Tamu ja jamu raspavioŭ, što jon prosta pa lazu naža prajšoŭ», — skazaŭ były śpiecnazaviec.
Jon dadaŭ, što administrataram zapisanaj razmovy ŭ «Zoom» byŭ Juraś Ziankovič, jaki i zapisvaŭ razmovy i rassyłaŭ jaje paśla «šmat jakim ludziam».
Ihar Makar taksama abviarhaje, što mienavita jon moh zdać siłavikam zatrymanych, bo ŭžo raniej, naprykład, byŭ fihurantam filmu «Mankurty».
Pavodle jaho, pieravieźci ź Biełarusi ŭ krainy ES supracoŭnika KDB, pra jakoha paśla raspaviadali ŭ filmie na dziaržaŭnym telebačańni, jaho asabista prasiŭ Ściapan Puciła. A ŭ hrupu z apošniaha rasśledavańnia jaho zaprašali Dźmitryj Ščyhielski i Juraś Ziankovič u vyniku ahulnaha kansensusu astatnich čalcoŭ hrupy.
Chto taki Juraś Ziankovič — amierykanski advakat, jaki mieŭ kałasalnaje žadańnie źviartać na siabie ŭvahu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary