«U filmie pra vajnu pakazvała ludziej u abstavinach, pieražyć jakija nie ŭsim pad siłu. Ciapier sama ŭ takich abstavinach». Eks-žurnalistcy BT praciahnuli aryšt
Byłoj žurnalistcy Biełteleradyjokampanii Ksienii Łuckinaj praciahnuli aryšt jašče na dva miesiacy, da 23 červienia. Pra heta «Našaj Nivie» paviedamiŭ jaje baćka.
«Nie viedaju, jak skazać pra heta jaje synu», — chvalujecca za ŭnuka-piacikłaśnika Aleh Łuckin. Spatkańniaŭ z Ksienijaj im nie davali.
Nahadajem, što zatrymali žurnalistku 22 śniežnia. Paśla zvalnieńnia ź dziaržtelebačańnia jana źbirałasia stvaryć alternatyŭny kanał. Ksieniju abvinavacili pa č. 6 art. 16 i č. 2 art. 243 Kryminalnaha kodeksa.
Baćka žurnalistki padzialiŭsia listom, jaki dačka dasłała z-za krataŭ. Tam jana raskazvaje pra svoj tvorčy šlach i pravodzić paraleli z vajennym časam.
«Jak dakumientalist ja zajmałasia Vialikaj Ajčynnaj vajnoj. Daśledavała temy historyi BSSR, kulturu Biełarusi druhoj pałovy XX stahodździa. Prosta zmahła sumiaścić dźvie prafiesii: historyka i televizijonščyka. Televizijonščyk ja da mozhu kaściej, jak i historyk.
Była śpieckarespandentam Biełtelerajokampanii, ale ŭ navinach nikoli nie pracavała. Raźvivałasia ŭ navukova-aśvietnickim/papularnym žanrach».
Ksienija źniała bolš za 20 filmaŭ dla TB, 50 karotkamietražnych videarolikaŭ. Adzin ź jaje prajektaŭ — «Terra incognita. Biełaruś nieviadomaja».
«My abjechali ŭsiu Biełaruś, žadajučy pakazać biełarusam, jakaja ŭ nas cudoŭnaja kraina, jakaja pryroda i historyja bahataja! Ja zaŭsiody była ŭpeŭnienaja ŭ tym, što kab palubić svaju krainu pa-sapraŭdnamu, jaje treba źviedać. Dziela hetaha i pracavała 15 hod. Viedaješ, što ja — nie pra hrošy».
Letaś da taho, jak zvolnicca, Ksienija vypuściła cykł «1418 dniej. Historyja Pieramohi».
«Heta praca vielmi važnaja dla mianie z mnohich pryčyn. Ja ludziej pakazała ŭ tych abstavinach, pieražyć jakija nie ŭsim pad siłu. Dumała pra svaich prodkaŭ, kali pisała. Ciapier — sama ŭ padobnych abstavinach… Bačyš, jak žyćcio pavaročvajecca».
Čytajcie taksama:
Historyja Ksienii Łuckinaj, jakaja 15 hod pracavała na BT, a ciapier apynułasia ŭ SIZA za sprobu stvaryć alternatyŭny kanał
-
Voś chto toj chłopiec, jaki pajechaŭ na prapołku bulby i staŭ hierojem sacsietak
-
Pamiatajecie charyzmatyčnaha i žartaŭlivaha kiraŭnika Mikałajeŭskaj vobłaści? Jon moža stać ministram u novym uradzie Ukrainy
-
Bank u Polščy zabłakavaŭ rachunki — a tam ipateka, i źbieražeńni. Ajcišnik-biełarus baicca stracić kvateru
Ciapier čytajuć
Voś chto toj chłopiec, jaki pajechaŭ na prapołku bulby i staŭ hierojem sacsietak4
Kamientary