«Tam było 50-100 čałaviek, a nie 10-15». Jak Siarhieja «Chłopotnoje dielcie» Mironava sudzili za marš u Malinaŭcy
Hieroja interniet-miema zatrymali 22 krasavika padčas rajonnaha maršu ŭ Malinaŭcy razam z maci. A siońnia sudździa Dźmitryj Łukaševič prysudziŭ jamu pa dvuch artykułach KaAP (paŭtorny ŭdzieł u masavym mierapryjemstvie i niepadparadkavańnie) 30 sutak aryštu.
Pravaabaroncy padzialilisia z «Našaj Nivaj» aŭdyjazapisam suda nad chłopcam.
Spačatku vysłuchali śviedku-siłavika. Jon raspavioŭ:
«Byŭ na słužbie. Na praśpiekcie Lubimava vyjavili vialikuju hrupu — bolš za 10-15 čałaviek. Nieśli bieł-čyrvona-biełyja ściahi. Vykrykvali łozunhi. My pradstavilisia, paviedamili, što milicyja. Mnoju byŭ zatrymany hety hramadzianin. Hramadzianin pačaŭ vyryvacca, pavodziŭ siabie ahresiŭna, admaŭlaŭsia prajści ŭ słužbovy aŭtamabil».
Sudździa pacikaviŭsia, ci jość u Siarhieja Mironava pytańni da śviedki.
«Pa-pieršaje, kolki čałaviek prachodzić pa spravie, akramia mianie? Tam było 50-100 čałaviek, a śviedka kaža, što 10-15», — skazaŭ Mironaŭ.
«Nie tłumačeńni, a pytańni da śviedki jość?» — udakładniŭ sudździa.
«Pytańni da śviedki…— parazmyśliŭ Siarhiej. — Moža, vy mianie z kimści pierabłytali?»
«Nie, ja ŭpeŭnieny», — adkazaŭ śviedka.
«Jašče pytańni jość?» — spytaŭ sudździa.
«Nie», — skazaŭ Mironaŭ i zaśmiajaŭsia.
«Štości chočacie dadać?» — udakładniŭ sudździa.
«Nie», — adkazaŭ Mironaŭ.
Na hetym sud skončyŭsia.
Sudździa vyjšaŭ dla vyniasieńnia prysudu.
Vyrak: 25 sutak za masavaje mierapryjemstva i 10 sutak za niepadparadkavańnie. Ahułam — 30 sutak aryštu praz składańnie pakarańniaŭ.
Spravu maci adpravili na dapracoŭku.
Siłaviki razahnali dvarovy marš u Malinaŭcy. Za dzień zatrymana bolš za 30 čałaviek
Čytajcie pra Siarhieja i jaho mamu:
Aŭtar «Chłopatnaha dzielca» vyjšaŭ z turmy i daŭ pieršaje intervju — praciahvaje adpalvać VIDEA
Aŭtar «Chłopatnaha dzielca» vyjšaŭ z turmy i daŭ pieršaje intervju — praciahvaje adpalvać VIDEA
Mama Siarhieja «Chłopotnoje dielcie» vyjšła na volu paśla 15 sutak i raspaviała pra siabie
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram14
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary