Žonka Alaksandra Fiaduty raspaviała pra jaho stan u SIZA: Skača cisk
Na dniach advakatka bačyłasia ź viadomym palitołaham i publicystam, jakoha abvinavačvajuć u padrychtoŭcy dziaržaŭnaha pieravarotu i zamachu na Alaksandra Łukašenku. Ci pryznaje jon svaju vinu? Što kaža ab tym, što zdaryłasia? Žonka Alaksandra Fiaduty siońnia nie maje dakładnych adkazaŭ na hetyja pytańni, ale zatoje raspaviała «Narodnaj Voli», što viedaje pra stan i nastroj muža.
Advakat, jakoha naniała žonka Fiaduty, ubačyła svajho padabaronnaha nie adrazu, a praź niekalki dzion paśla zatrymańnia. Spačatku dla Fiaduty zaprasili dziažurnaha advakata. Infarmacyi ad jaho taksama praktyčna nijakaj nie było.
Sa słoŭ Maryny Šybko, ciapierašni advakat źviazanaja žorstkaj padpiskaj ab nievydavańni i nie paviedamlaje nijakich padrabiaznaściaŭ, źviazanych z rasśledavańniem spravy.
«Advakat ciapier dla taho, kab daviedacca, jakija škarpetki i trusy pieradać, — kaža Maryna. — Žartuju, viadoma, ale na samaj spravie padrabiaznaściaŭ nijakich nie maju… Tolki bytavyja pytańni niejkija».
Darečy, proźvišča advakata Fiaduty Maryna nie nazyvaje — kaža, jana ŭsio roŭna nie budzie kamunikavać z žurnalistami, bo źviazana padpiskaj. Viadoma, što advakat pracuje ŭ jurydyčnaj kansultacyi Centralnaha rajona Minska.
Listy da Alaksandra Fiaduty pakul nie dachodziać. Ale telehramu ad žonki jon atrymaŭ.
«Jon skazaŭ, što napisaŭ list, ale ja jaho nie atrymlivała, — kaža Maryna. — Viedaju, što jamu mnohija pišuć, pytajucca parady pa litaraturnych spravach jak u ekśpierta, ale pakul nie čuła, kab chtości ad jaho atrymaŭ adkaz, i nie ŭ kursie, ci pieradajuć jamu naohuł karespandencyju».
U Alaksandra Fiaduty prablemy sa zdaroŭjem, jość chraničnyja zachvorvańni. Leki, jakija jon prymaje pastajanna, Maryna Šybko pieradała ŭ śledčy izalatar KDB, ich pryniali.
«Ciapier jon praz advakata skazaŭ, što cisk skača, paprasiŭ, kab jamu pieradali tanomietr, ale ja nie viedaju, prymuć jaho ci nie,
— kaža žonka Fiaduty. — I jašče prosić, kab jamu pieradali bolš papiery — dla listoŭ i pracy, jon sabraŭsia ŭ śledčym izalatary pisać ledź nie čarhovuju dysiertacyju, doktarskuju jon abaraniŭ u Polščy. Viedaju, što jaho naviedvaŭ lekar i jaho vyvodzili na prahułki. Bolš nijakaj infarmacyi ŭ mianie, na žal, niama».
Ciapier čytajuć
Dziela finału čempijanatu śvietu minskaje mietro pracavała da 1:00. A matč skončyŭsia paźniej2
Dziela finału čempijanatu śvietu minskaje mietro pracavała da 1:00. A matč skončyŭsia paźniej
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać1818
Kamientary