U Minsku razhledziać pytańnie ab zabaronie prajezdu furaŭ pa MKAD. Ab hetym išła razmova siońnia na apieratyŭnaj naradzie ŭ Minskim harvykankamie, paviedamlaje telehram-kanał Minsk. Aficyjna
«Druhuju kalcavuju pabudavali dla taho, kab vielikahruzny transpart moh pa joj abjazdžać horad. Pamiž hetaj mahistrallu i MKAD stvorany šmatlikija łahistyčnyja centry, dziakujučy jakim źnižajecca patreba zajezdu fur u horad. Svaju pradukcyju pradpryjemstvy stalicy mohuć dastaŭlać tudy ź Minska ŭ načny čas, jak i pryvozić syravinu na zavody, na transparcie inšaha kłasa», — adznačyŭ kiraŭnik horada Uładzimir Kucharaŭ.
Jon padkreśliŭ, što ŭ Minsku pytańni ekałahičnaj biaśpieki pavinny być u pryjarytecie. Heta tyčycca nie tolki jakaści atmaśfiernaha pavietra, 85% škodnych vykidaŭ transpartu, ale i inšych napramkaŭ.
Kamientary