jakija źbirali podpisy pad adozvaj ab pierajmienavańni vulicy Ściapana Chałturyna ŭ vulicu Vasila Bykava.
U Breście padčas zboru podpisaŭ pad adozvaj da ŭładaŭ ab pierajmienavańni vulicy Ściapana Chałturyna ŭ vulicu Vasila Bykava byli zatrymany dva aktyvisty Partyi BNF.
Jak paviedamiŭ BiełaPAN pravaabaronca Raman Kiślak, incydent adbyŭsia 21 červienia pryblizna ŭ 19.30. Aktyvisty abłasnoj struktury partyi Taćciana Chomič i Juryj Hančaruk pazvanili ŭ adnu z kvater doma pa vulicy Kirava. Pažyłoj žančynie, jakaja adčyniła dźviery, jany rastłumačyli metu svajho vizitu.
Žančyna prapanavała aktyvistam zajści ŭ kvateru, začyniła za imi dźviery i schavała kluč u kišeniu chałata. Piensijanierka skazała, što ŭ jaje jość siabroŭka, jakaja padpišacca pad hetaj adozvaj, paśla čaho nabrała numar 102 i paviedamiła, što začyniła ŭ siabie ŭ kvatery dvuch maładych ludziej, jakija prapanavali joj padpisacca pad adozvaj.
Supracoŭniki milicyi, jakija pryjechali pa vykliku, adpuścili Taćcianu Chomič i Juryja Hančaruka biez składańnia pratakołu.
Bresckija aktyvisty Partyi BNF pačali zbor podpisaŭ pad adozvaj da ŭładaŭ ab pierajmienavańni vulicy Ściapana Chałturyna ŭ vulicu Vasila Bykava 19 červienia (u 85‑iu hadavinu z dnia naradžeńnia piśmieńnika) i zavieršać 22 červienia (u šostuju hadavinu jaho śmierci). Paśla hetaha podpisy (ciapier ich prykładna 300) razam z adozvaj ab pierajmienavańni vulicy buduć pieradadzieny ŭ Brescki harvykankam i haradski saviet deputataŭ.
Zbor viadziecca siarod žycharoŭ damoŭ, što raźmieščany pa vulicy Chałturyna, a taksama ŭ prylehłych da jaje damach na vulicach Kirava, Hohala i praśpiekcie Mašerava.
Pačać hetuju akcyju aktyvistaŭ padšturchnuła toje, što, pavodle ich pierakanańnia, Ściapan Chałturyn nie maje nijakaha dačynieńnia nie tolki da Bresta, ale i da Biełarusi ŭ cełym.Jon viadomy tym, što ŭ 1880 hodzie ŭčyniŭ niaŭdały zamach na impieratara Alaksandra II u Zimnim pałacy ŭ Sankt‑Pieciarburhu. Pry hetym było zabita 11 i paraniena 56 sałdat, jakija znachodzilisia ŭ hety momant kala Zimniaha. U 1882 hodzie S.Chałturyna pakarali śmierciu za ŭdzieł u zabojstvie vajennaha prakurora.
Abłasnoj arhanizacyjaj Partyi BNF było nadrukavana 2 tys. asobnikaŭ śpiecyjalnych ulotak. U ich jana infarmuje ab terarystyčnaj dziejnaści S.Chałturyna i raskazvaje ab žyćci i tvorčaści V.Bykava.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik56
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2121
Kamientary