Termin rehistracyi pravoŭ na ziamielnyja ŭčastki ŭ sadoŭnickich tavarystvach pradoŭžany da 1 studzienia 2012 hoda
Da 1 studzienia 2012 hoda pradoŭžany termin zvarotu hramadzian u adpaviednyja arhanizacyi pa dziaržaŭnaj rehistracyi nieruchomaj majomasci, pravoŭ na jaje i ździełak ź joju dla dziaržaŭnaj rehistracyi svaich pravoŭ na ziamielnyja ŭčastki ŭ sadoŭnickich tavarystvach.
Ab hetym havorycca va ŭkazie № 350 «Ab uniasienni dapaŭnieńniaŭ i źmianieńniaŭ va Ukaz Prezidenta Respubliki Biełaruś ad 28 studzienia 2008 h. № 50», jaki 26 červienia padpisaŭ kiraŭnik dziaržavy Alaksandr Łukašenka.
Dakumient nakiravany na ŭrehulavańnie asobnych prablem dziejnasci sadoŭnickich tavarystvaŭ i ich členaŭ.
Tak, zamacavany sproščany paradak pieradačy‑pryjomu z ułasnasci sadoŭnickich tavarystvaŭ va ŭłasnaść Respubliki Biełaruś vysakavoltnych elektryčnych sietak (pavietranych i kabielnych linij elektrapieradačy napružańniem 10 kV i transfarmatarnych padstancyj 0,4/10 kV), narmatyŭny termin ekspłuatacyi jakich nie skončyŭsia, ekspłuatacyja jakich pačata da ŭstupleńnia ŭ siłu Zakona Respubliki Biełaruś «Ab dziaržaŭnaj rehistracyi nieruchomaj majomasci, pravoŭ na jaje i ździełak ź joju» (heta značyć da 8 maja 2003 hoda).
Nazvanaja majomaść budzie prymacca ŭ respublikanskuju ŭłasnaść pa rašenni Ministerstva enierhietyki ŭ jaje faktyčnym stanie z umovaj ustanoŭki sadoŭnickimi tavarystvami vynasnych raźmierkavalnych ustrojstvaŭ (dla źniaćcia pakazańniaŭ pryboraŭ razlikovaha ŭliku elektryčnaj enierhii). Praduhledžany zajaŭny pryncyp dziaržaŭnaj rehistracyi sadoŭnickich tavarystvaŭ, pracedura jaje praviadzieńnia, a taksama paradak likvidacyi sadoŭnickich tavarystvaŭ pryviedzieny ŭ adpaviednaść z patrabavańniami dekreta ad 16 studzienia 2009 h. № 1 «Ab dziaržaŭnaj rehistracyi i likvidacyi (spynienni dziejnasci) subjektaŭ haspadarańnia», padkreslili ŭ pres‑słužbie Prezidenta. Ukaz ustupaje ŭ siłu z dnia jaho aficyjnaha apublikavańnia.
Kamientary