Hihanckaja panda ŭ takijskim zaaparku naradziła dvaich bliźniat
Heta pieršaje za čatyry hady patomstva ŭ pand hetaha zaaparku.
Hihanckaja panda Šyn Šyn, što žyvie ŭ takijskim zaaparku Uena, naradziła 23 červienia dvaich bliźniat. Jak śćviardžajuć pradstaŭniki zaaparku, žyvioły źjavilisia na śviet z roźnicaj u paŭtary hadziny — adpaviedna ŭ 1.03 i 2.32 hadziny nočy pa miascovym časie.
Poł žyvioł pakul jašče nie paćvierdžany, tamu svaje imiony jany atrymajuć paźniej, piša sky.com.
Panda Šyn Šyn naradziłasia ŭ 2005 hodzie. U zaapark Uena jaje pryvieźli dziesiać hod tamu z Kitaja razam z partnioram — samcom Ry Ry. Pieršaje miedźviedziania ŭ Šyn Šyn i Ry Ry naradziłasia ŭ lipieni 2012 hoda, ale žyvioła pamierła praz šeść dzion ad pnieŭmanii.
Panda Šyn Šyn.
U 2017 hodzie ŭ pand naradziłasia druhoje dzicia — samka, jakoj dali imia Sian Sian. Jana pakul što žyvie ŭ zaaparku Uena, ale čakajecca, što ŭ śniežni Sian Sian adpraviać u Kitaj.
Vielmi ciažka damahčysia razmnažeńnia pand u niavoli, bo hetyja žyvioły duža patrabavalna staviacca da vybaru partniora. U dadatak, pieryjad sparvańnia ŭ pand zdarajecca tolki raz na hod.
Kamientary