Raźviedka ZŠA padazraje Rasiju ŭ akustyčnych atakach na Kubie ŭ 2017 hodzie
Raźviedka ZŠA padazraje Rasiju ŭ akustyčnych napadach, jakija pryviali da źjaŭleńnia šerahu zahadkavych simptomaŭ u prynamsi 19 amierykanskich dypłamataŭ na Kubie ŭ 2017 hodzie, piša The Washington Post.
«Kuba admaŭlaje adkaznaść za nieŭstanoŭlenyja čerapna-mazhavyja traŭmy, pryčyna jakich da hetaha času nie ŭstanoŭlena. Paśla paviedamleńniaŭ ab padobnych vypadkach u Kitai, Rasii i navat u Štatach, supracoŭniki amierykanskaj raźviedki ciapier zajaŭlajuć, što jany padazrajuć, što ŭ hetym vinavataja Rasija, mahčyma, za košt vykarystańnia mikrachval abo inšych formaŭ nakiravanaj enierhii».
U 2017 hodzie Dziarždepartamient ZŠA zajaviŭ, što razhladaje mahčymaść zakryćcia pasolstva na Kubie z-za zahadkavych simptomaŭ, siarod jakich młosnaść, hałavakružeńnie i časovaja strata słychu ci pamiaci ŭ 19 dypłamataŭ z ZŠA.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary