Ad pačatku hodu miascovaja stancyja chutkaj miedycynskaj dapamohi absłužyła 17 932 telefanavańniaŭ na numar 103.
Ad pačatku hodu miascovaja stancyja chutkaj miedycynskaj dapamohi absłužyła 17 932 telefanavańniaŭ na numar 103.
Na praciahu pieršaha paŭhodździa 2009 h. Słuckaj stancyjaj chutkaj miedycynskaj dapamohi było absłužana 17 932 zvankoŭ albo ŭ siarednim na numar 103 pastupała 98 zvankoŭ u dzień (pryblizna 4 zvanki za hadzinu). Pra heta z karespandentam haziety «Kurjer» skazaŭ Ivan Zianievič, hałoŭny lekar Słuckaj stancyi chutkaj miedycynskaj dapamohi.
«Rejtynh» zachvorvańniaŭ. Ad ahulnaj kolkaści vyklikaŭ:
- kala 40% vypadkaŭ miedykaŭ vyklikali z pryčyny sardečna-sasudzistych zachvorvańniaŭ (6429 vyklik);
- 12,8% - chvaroby orhanaŭ dychańnia (2418 vyklikaŭ);
- 7,4% - chvaroby orhanaŭ stravavańnia (1387 vyklikaŭ).
Pavodle Ivana Zianieviča, u paraŭnańni ź minułym hodam, hetyja suadnosiny istotna nie źmianilisia.
Nahadajem, što nasielnictva Słuččyny składaje kala 98 tysiačaŭ čałaviek, u samim Słucku žyvie kala 63 tysiač.
«Chutkaja» zabrała amal 5000 čałaviek.
Usiaho za paŭhady ŭ stacyjanar Słucka centralnaj rajonnaj balnicy bryhadami chutkaj miedycynskaj dapamohi dastaŭlena 4931 čałaviek. Niekatoryja paśla akazańnia pieršaj miedycynskaj dapamohi zdoleli pajści dachaty, inšyja traplali ŭ reanimacyju i/albo, u vypadku nieletalnaha vyniku, praciahvali lačeńnie ŭ balnicy.
U astatnich 13 001 vypadku dapamoha akazvałasia na miescy, jość u statystycy i chłuślivyja vykliki albo zvanki, padčas jakich ludziam akazvali kansultacyjnuju dapamohu.
Terminovyja vykliki.
Z ahulnaj kolkaści zvankoŭ na numar 103 terminovyja vykliki skłali 1365 vypadkaŭ.
«Heta vykliki, kali važnaja kožnaja chvilina. Jak praviła, pa hetaj katehoryi vypadkaŭ bryhady vyjazdžajuć na roznaha kštałtu niaščasnyja vypadku, u tym liku na DTZ», — skazaŭ Ivan Zienievič.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?2
Kamientary