Ale hrupa pravaabaroncaŭ prymusiła zaapark pierajmienavać dzicia mandryła.
U zaaparku Drezdena małpu nazvali Abamam u honar prezidenta ZŠA. Ale hrupa pravaabaroncaŭ prymusiła zaapark pierajmienavać dzicia mandryła.
Na dumku zmaharoŭ suprać rasavaj dyskryminacyi, nazvać małpu ŭ honar pieršaha čarnaskuraha prezidenta ZŠA — značyć prajavić rasizm.
U zaaparku, adnak, zajavili, što nazyvajučy prymata Abamam, jany chacieli vykazać pavahu da 44‑aha prezidenta ZŠA, jaki naviedaŭ Drezden u červieni. Pa słovach supracoŭnicy zaaparka Manueły Kołmar, jakaja hladzić za afrykanskimi žyviołami, ni jana, ni jaje kalehi nie znali pra rasisckuju tradycyju paraŭnoŭvać čarnaskurych z małpami.
Kołmar rastłumačyła, što kožny hod u drezdenskim zaaparku novych žyvioł nazyvajuć imionami, jakija pačynajucca z peŭnaj litary ałfavitu. I ŭ 2009 hodzie pryjšła čarha da litary «O» (Barack Obama).
Tym nie mienš, ciapier mandrył, raniej viadomy jak Abama, budzie nazyvacca Okiekie — heta imia značyć «toj, chto naradziŭsia ŭ bazarny dzień» (na jakoj movie, supracoŭniki zaaparku nie ŭdakładniajuć). Dyrektaru źviarynca Karłu‑Chajncu Ukienie daviałosia prynieści prabačeńni.
Kamientary