Biskup Kasabucki pra publikacyju ŭ «Minskaj praŭdzie»: Prabač im, Boža…
Pravakacyjnaja antykatalickaja pieršaja staronka ŭ «Minskaj praŭdzie» vyklikała vialiki rezanans u hramadstvie. Prakamientavaŭ vokładku i dapamožny biskup Minska-Mahiloŭskaj archidyjacezii Juryj Kasabucki. Jon źmiaściŭ svajo mierkavańnie ŭ fejsbuku.
«Darahija maje siabry, braty i siostry!
Siońnia vielmi šmat uvahi da «Minskaj praŭdy» i taho, što było tam źmieščana siońnia [7 vieraśnia]. Ja liču, što taki nizkaprobny materyjał nie pavinien zasłuhoŭvać takoj uvahi.
Ja chaču tolki jašče raz paćvierdzić svaju asabistuju pazicyju adnosna peŭnych spraŭ, jakija miž inšym byli ŭzhadanyja ŭ hetym materyjale.
Ja zaŭsiody vystupaŭ suprać hvałtu, nasilla, katavańniaŭ, niespraviadlivaści, chłuśni, represij. Ja nie źmianiu hetaha svajho pohladu, niahledziačy na pahrozy, šantaž i tamu padobnyja rečy, ź jakimi mnie prychodzicca sutykacca. Taksama i padobnyja artykuły nie zdolnyja paŭpłyvać na moj śvietapohlad, jaki bazujecca na Jevanhielli.
Bieł-čyrvona-bieły ściah — heta ŭ chryścijanskaj simvolicy znak i simvał uvaskrosłaha Chrysta, heta NIE zaležyć ad ideołahaŭ, jakija siońnia šukajuć «arhumientaŭ» suprać…
Himn Mahutny Boža daŭno staŭ častkaj našaj liturhii, tamu što heta malitva za našu krainu i naš narod, a kali heta nie padabajecca sučasnym ideołaham, heta NIE prablema Kaścioła…
My siońnia nie ŭžyvajem hetu malitvu tolki tamu, kab hetym nie razdražniać nikoha…
Padobnyja artykuły nie spryjajuć supakoju i zhodzie ŭ našym hramadstvie…
Prabač im, Boža, bo nie viedajuć, što robiać….»
Adkaz pres-sakratara Biełaruskaha kaścioła na abrazu «Minskaj praŭdy»: My molimsia i za našych vorahaŭ
Kaścioł u Biełarusi asudziŭ publikacyju ŭ haziecie «Minskaja praŭda» i rasceńvaje jaje jak raspalvańnie varožaści
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY5
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary