Urad Biełarusi i Nacyjanalny bank pašyryli śfieru vykarystańnia bankaŭskich płastykavych kartak. Heta praduhledžana sumiesnaj pastanovaj numar 903/11, paviedamili karespandentu BIEŁTA ŭ Aparacie Savieta Ministraŭ.
Dakumient abaviazvaje subjekty pradprymalnickaj dziejnaści ŭstanaŭlivać płaciežnyja terminały, jakija dajuć mahčymaść prymać da apłaty bankaŭskija płastykavyja kartki, kali pamier ich vyručki za papiaredni kalandarny hod pierasiahnuŭ 15 tys. bazavych vieličyń (Br525 młn.) i 7,5 tys. BV (Br262,5 młn.) pa abjektach bytavoha absłuhoŭvańnia. Pry hetym kolkaść terminałaŭ, što ŭstanaŭlivajucca, pavinna składać u pracentnych adnosinach da kolkaści kasavych kabin abo kantrolna-kasavych vuzłoŭ nazvanych abjektaŭ na praciahu pieršaha kalandarnaha hoda nie mienš jak 50 pracentaŭ, na praciahu druhoha kalandarnaha hoda - 100 pracentaŭ. Ciapier ustanoŭku płaciežnych terminałaŭ ažyćciaŭlajuć subjekty pradprymalnickaj dziejnaści, kali pamier vyručki za papiaredni miesiac pierasiahnuŭ 5 tys. bazavych vieličyń (60 tys. BV u hod), 2,5 tys. pa abjektach bytavoha absłuhoŭvańnia (30 tys. BV).
Praduhledžana taksama, što ŭstanoŭka takich terminałaŭ budzie ažyćciaŭlacca na praciahu dvuch hadoŭ, pryčym raniej termin składaŭ 3 hady.
Kamientary