«Nacelvajuć sumiežniki: «Dajcie, chaj tam jakich piać tysiač nabiarecca». Ja kažu: «Tavaryš hienierał, na***». Źjaviŭsia źliŭ z abmierkavańniem padrychtoŭki da 9 žniŭnia
Hrupa chakieraŭ apublikavała ŭ sietcy aŭdyjazapis, na jakim hałasy, padobnyja da namieśnika načalnika HUUS Minharvykankama Ihara Padvojskaha i pieršaha namieśnika načalnika UUS Minabłvykankama Vitala Kazłova, abmiarkoŭvajuć padrychtoŭku da 9 žniŭnia. Z razmovy vynikaje, što byli idei dać ludziam spačatku sabracca. Ale hałasy abmiarkoŭvajuć, što jany vystupili suprać.
«Tam była vysokaja narada. Mahu mierkavać, što adzin z kirunkaŭ nadaść upeŭnienaści nam u taktycy dziejańniaŭ, — kaža pieršy hołas, padobny na Ihara Padvojskaha. — U tym, kab my fizična nie saromielisia pracavać. Heta ja tak dumaju. Tamu što my tut mianiajem, uvohule, bajavyja paradki. Ja ŭžo tut, bł***, pierakrojvaju, nacelvaju.
U pieršuju čarhu tam vyzvaliŭ uvieś AMAP z płoščaŭ. Zranku była narada, kamandujučy siudy pryjazdžaŭ, ministr byŭ, bł***. Usio addaju vojskam, a sam pieraklučajusia na vybarčyja kamisii, na terytaryjalnyja. Potym na stełu pieraklučajusia»
«A steła, što ty vykonvaješ?» — pytajecca druhi hołas, padobny da Vitala Kazłova.
«(…) Dźvieście čałaviek sabrałasia — pačnu adrazu pracavać», — kaža pieršy hołas,
«Nu, to-bok ja taksama načalniku skazaŭ, pačynajuć źbiracca — budziem pracavać, nie*** čakać, bł***», — adznačaje druhi.
«Tam nacelvajuć sumiežniki, kažuć: «Nu, dajcie, chaj tam jakich piać tysiač nabiarecca». Ja kažu: «Tavaryš hienierał, na***, 200 čałaviek sabralisia — i ŭsio, pahnali. I budziem ch****ć. Nu, i budu ch****ć z vybarčych učastkaŭ i taksama nie saromiecca», — adznačaje pieršy hołas.
«Ja taksama. A vojski ŭ ciabie buduć čysta pa płoščach pracavać».
Hołas Padvojskaha: «Tak. Zaraz voś vyzvaliŭ 450 AMAPa i 650 zvodnych atradaŭ. Raskidvaju ich pa vybarčych (učastkach — zaŭv. NN), dadatkova da tych sił, katoryja jość. I 500 AMAPa jašče kidaju na stełu».
Miž tym, pakul nijakich aficyjnych kamientaroŭ nakont źlitych u sietku aŭdyjazapisaŭ MUS nie davała. Jak tolki źjaviacca aficyjnyja kamientary, my ich abaviazkova apublikujem.
***
Nahadajem, 9 žniŭnia 2020 hoda u adnosinach da pratestujučych, što vyjšli suprać falsifikacyi vybaraŭ da steły, užyli śviatłošumavyja hranaty, humovyja kuli i ślozatačyvy haz. Usiaho ŭ hety viečar i noč było zatrymana kala 3000 čałaviek.
Ni adnoj kryminalnaj spravy za praźmierny hvałt z boku siłavych struktur zaviedziena tak i nie było.
Čytajcie taksama:
«Ministr kaža, spahnańnie ź mianie, a Hamołu z pasady źniać». U novym źlivie siłaviki abmiarkoŭvajuć pres-sakratarku MUS Volhu Čamadanavu
Ciapier čytajuć
«Ja asasin, bł*!» Ekśpiert-juryst z STB nieadekvatna pavodziŭ siabie na Zybickaj. Videa sabrała miljony prahladaŭ — chto jon12
Kamientary