Parłamient Isłandyi prahałasavaŭ za padaču zajaŭki na ŭstupleńnie krainy ŭ Jeŭrapiejski Sajuz.
Za pačatak pieramovaŭ ab ustupleńni ŭ sadružnaść jeŭrapiejski krain prahałasavali 33 udzielniki parłamienta, 28 vykazalisia suprać i dvoje ŭstrymalisia.
Debaty pa pytańni ab dałučeńni da ES praciahvalisia ŭ isłandskim parłamiencie na praciahu piaci dzion. Ciapier zajaŭka na ŭstupleńnie ŭ ES pavinnaja być uchvalenaja pradstaŭnikami 27 krain, što ŭvachodziać u źviaz. U hetym vypadku pytańnie ab dałučeńni Isłandyi da Jeŭraźviaza budzie vyniesienaje na refierendum.
Jak paviedamlaje BBC, nasielnictva Isłandyi skieptyčna razvažaje adnosna idei ŭvachodžańnia ŭ Jeŭraźviaz, šmatlikija isłandcy ličać, što heta paškodzić rybałoŭnaj zdabyčy. Adnym z tych, chto prahałasavaŭ suprać ustupleńnia, byŭ ministr sielskaj haspadarki i rybałoŭstva Isłandyi Jon Bjarnason.
Apošnimi krainami, jakija dałučylisia da Jeŭraźviaza, stali Rumynija i Bałharyja, jany ŭvajšli ŭ ES 1 studzienia 2007 hoda. Na dadzieny momant na ŭstupleńnie u źviaz pretendujuć Makiedonija, Ałbanija, Charvatyja, Turcyja i inšyja krainy.
Ciapier čytajuć
Za «ekstremisckija» padpiski pry praviercy na miažy bolš nie sadžajuć na sutki15
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary