Žychara Viciebska asudzili za abrazu daišnika na staroncy Volhi Karač
Sud Pieršamajskaha rajona Viciebska vynies prysud 50-hadovamu hruzčyku Alaksandru Šmatavu. Jaho abvinavacili ŭ publičnaj abrazie pradstaŭnika ŭłady ŭ suviazi z vykanańniem słužbovych abaviazkaŭ (art. 369 KK). U svoj čas Šmataŭ pracavaŭ u PPS u Viciebsku.
Pavodle abvinavačvańnia, 25 červienia 2020 hoda ŭ «Adnakłaśnikach» na staroncy Volhi Karač pad fota, na jakim supracoŭnik hancavickaha DAI Ihar Volnič razam z kaleham zatrymlivaje adnaho z demanstrantaŭ, Alaksandr Šmataŭ pakinuŭ niehatyŭny kamientar, paviedamlajuć pravaabaroncy.
Vinu Šmataŭ pryznaŭ i raskajaŭsia. Abiacaŭ padobnaha nikoli nie rabić. Prynios Volniču prabačeńnie na videakamieru i pahadziŭsia kampiensavać pryčynienuju maralnuju škodu.
Pa jahonych słovach, na staronku Karač u stužcy «Adnakłaśnikaŭ» trapiŭ vypadkova. Jaho aburyŭ fakt vykarystańnia supracoŭnikam MUS fizičnaj siły da demanstranta. Paličyŭ jahonyja dziejańni niepravamiernymi, pavieryŭ infarmacyi, vykładzienaj u publikacyi, paddaŭsia emocyjam i vyrašyŭ napisać kamientar.
Na sudzie Šmataŭ paviedamiŭ, što prachodziŭ terminovuju słužbu ŭ Minsku, paśla słužyŭ u patrulna-pastavoj słužbie adnaho ź viciebskich rajonaŭ.
«Ja słužyŭ terminovuju ŭ biełpałku milicyi. Taksama razhaniali demanstracyi. Tady jany kryšyli-łamali, a tut ja nia viedaju što. I pakazvajuć, i pakazvajuć z kožnaha prasu. Stolki im uvahi nadajuć», — paviedamiŭ Šmataŭ.
Inśpiektar Hancavickaha DAI acaniŭ naniesienyja jamu maralnyja pakuty i prynižeńnie honaru i hodnaści ŭ 1500 rubloŭ.
U vyniku sud vyrašyŭ pakarać Alaksandra Šmatava abmiežavańniem voli z nakiravańniem va ŭstanovu adkrytaha typu terminam na dva hady («chimiju»).
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak28
Kamientary