Sudziać hamielčuka Juryja Pracharenku — u źniavoleńni jon schudniej na 35 kiłahramaŭ i pakutuje na paničnyja ataki
U Homieli praciahvajecca sud pa spravie Pracharenki — praces prachodzić bieź jaho ŭdziełu, mnohija paciarpiełyja ihnarujuć pasiadžeńni, paviedamlajuć pravaabaroncy
Sud Savieckaha rajona Homiela praciahnuŭ razhlad kryminalnaj spravy ŭ dačynieńni da Juryja Pracharenki, jakoha vinavaciać adrazu pavodle troch artykułaŭ Kryminalnaha kodeksa: art. 369 (abraza pradstaŭnika ŭłady), art. 391 (abraza sudździ abo narodnaha zasiadaciela) i art. 368 (abraza prezidenta Respubliki Biełaruś). Pa spravie prachodziać 23 paciarpiełyja.
Sam abvinavačany ŭ sudzie nie prysutničaje, svajaki kažuć, što małady čałaviek znachodzicca ŭ depresiŭnym stanie, u jaho zaŭvažanyja paničnyja ataki i psichasamatyčnyja parušeńni — jamu treba nieadkładnaje miedyčnaje abśledavańnie i lačeńnie. Za čas źniavoleńnia ŭ SIZA Juryj schudniej bolš jak na 35 kiłahramaŭ.
Kamientary