Vystaŭlenyja na prodaž dźvie tyjary (karony), što raniej, jak ličycca, naležali Žazefinie Banapart — pieršaj žoncy francuzskaha impieratara Napaleona. Čakajuć, što vynikovy košt abiedźviuch tyjar moža skłaści da paŭmiljona funtaŭ sterlinhaŭ (682 tysiačy dalaraŭ).
Abiedźvie tyjary zroblenyja z zołata. Na adnoj ź ich jość błakitnyja emalevyja elemienty i čyrvona-karyčnievyja hraviroŭki z kłasičnymi partretami. Razam z dyjademaj na aŭkcyjonie možna budzie nabyć zavušnicy, spražku dla pojasa i hrebień. Usie hetyja pradmiety ŭvachodziać u adzin juvielirny kamplekt z tyjaraj, tłumačyć CNN.
Na druhoj tyjary taksama jość emalevyja ŭpryhožańni. Juvielir raźmiaściŭ na hetaj dyjademie vyrazanyja z ahatu i jašmy partrety staražytnych hrečaskich bahoŭ — tut možna pabačyć Zieŭsa, Dyjanisa i Hieju, a taksama partrety mifičnych istot Mieduzy i Pana. Łondanski muziej Viktoryi i Albierta, dzie raniej časova vystaŭlałasia tyjara, śćviardžaje, što jana mahła być padarunkam ad siastry Napaleona Karaliny Banapart.
Prodaž tyjar projdzie na placoŭcy aŭkcyjonnaha doma Sotheby's u nastupnym miesiacy. Pierad hetym na praciahu 150 hadoŭ jany znachodzilisia ŭ pryvatnaj kalekcyi.
Historyja Žazefiny Banapart, taksama viadomaj jak Žazefina Baharne, u apošni čas nabiraje papularnaść. Luboŭnyja listy Napaleona da jaje vydajuć jak knihu i pradajuć na aŭkcyjonach. Samu ž impieratrycu ličać razumnaj spakuśnicaj, što zdoleła admovicca ad svajho šlubu, kali akazałasia, što jana i Napaleon nie zdolnyja razam dać žyćcio naśledniku trona.
Lego vypuściła kanstruktar — dakładnuju kopiju asabniaka ź filma «Adzin doma»
Ciapier čytajuć
Upieršyniu za čas nazirańniaŭ tempieratura pavietra ŭ Biełarusi pierakročyła +40°C3
Kamientary