Vakcyny suprać kavidu časam vyklikajuć prablemy z sercam. Voś u čym moža być pryčyna
Mijakardyt i pierykardyt — adny z uskładnieńniaŭ paśla pryščepak na bazie mRNK.
U kancy červienia 2021 hoda amierykanskaja ŭstanova «Centr pa kantrolu i prafiłaktycy zachvorvańniaŭ» paviedamiła pra niebiaśpiečny pabočny efiekt niekatorych vakcyn suprać kavidu. Zhodna z ekśpiertami, u bolš čym 1200 amierykancaŭ paśla pryščepak preparatami ad kampanij Pfizer I Moderna naziralisia prablemy z sercam. U bolšaści vypadkaŭ razmova idzie pra mijakardyt (zapaleńnie siaredniaha słoja sardečnaj myšcy) i pierykardyt (zapaleńnie abałonki serca).
Pakul u daśledčykaŭ niama dakładnaha adkazu na toje, čamu niekatoryja vakcyny schilnyja ŭ redkich vypadkach vyklikać takija niebiaśpiečnyja ŭskładnieńni, piša Wall Street Journal.
Mahčyma, heta źviazanaje z typam šypavidnaha białka, što vyrablajecca ŭ arhaniźmie ŭ adkaz na prymianieńnie vakcyny na bazie mRNK (matryčnaj RNK), jakuju časam jašče nazyvajuć iRNK (infarmacyjnaj RNK). Šypavidny białok — heta elemient virusnaj čaścinki, što dapamahaje joj trapić u zdarovuju kletku. Vakcyny na bazie mRNK zroblenyja takim čynam, što jany prymušajuć cieła vyrablać ułasnuju viersiju šypavidnaha białka, najaŭnaść jakoha zapuskaje imunny adkaz na infiekcyju. Adnak moža isnavać padabienstva pamiž šypavidnym białkom ad vakcyny i białkami ŭ sardečnaj myšcy, što prymušaje imunitet atakavać samo serca.
Razhladajuć jašče adnu teoryju, zhodna ź jakoj chvaroba moža być źviazanaja ź niapravilnym uviadzieńniem vakcyny.
Pa praviłach, pryščepku treba ŭvodzić u plečavuju myšcu, taksama viadomuju jak deltavidnaja. Ale kali padčas uviadzieńnia preparat pamyłkova traplaje prosta ŭ vienu, častka vakcyny moža trapić u sardečnuju myšcu pa kryvianosnych sasudach.
U hetaj teoryi ŭžo jość častkovaje paćvierdžańnie. Hankonhskija daśledčyki vyśvietlili, što kali ŭvodzić myšam prosta ŭ vienu vakcynu Pfizer, heta vyklikaje adnačasova i mijakardyt, i pierykardyt.
Tym nie mienš, amierykanskija ekśpierty ličać, što plusy ad vakcynacyi pieravažvajuć niebiaśpieku ad mahčymych uskładnieńniaŭ. Bolšaść vypadkaŭ mijakardytu ŭ ludziej, što prajšli vakcynacyju, byli adnosna lohkimi, a pacyjenty papraŭlalisia abo zusim bieź lekaŭ, abo ź minimalnaj dapamohaj miedykaŭ.
Chočacie Pfizer ci Johnson & Johnson? Jość «vakcynnyja tury»: Polšča, Ukraina, Turcyja. Raskazvajem, kolki jany kaštujuć
U Pfizer zajavili, što ich novaja tabletka na 89% źnižaje ryzyku špitalizacyi i śmierci praz kavid
Ciapier čytajuć
Upieršyniu za čas nazirańniaŭ tempieratura pavietra ŭ Biełarusi pierakročyła +40°C3
Kamientary