Piatro Prakapovič: «My pavinny žyć z našym biełaruskim rublom»
Staršynia praŭleńnia Nacbanka ličyć, što vydača kredytaŭ u zamiežnaj valucie spyniłasia «raz i nazaŭsiody».
Staršynia Nacbanka Piatro Prakapovič zładziŭ 29 lipienia bujnuju pres-kanfierencyju . Jon padvioŭ vyniki pracy bankaŭskaj sistemy za pieršuju pałovu hoda, a taksama adkazaŭ na niekatoryja nadzionnyja pytańni:
Pra kryzis:
«My apynulisia va ŭmovach mižnarodnaha finansavaha kryzisu ŭ tym liku i z-za taho, što mnohija krainy i ŭ cełym uvieś śviet majuć abmiežavany lik reziervnych valutaŭ. Praktyčna, adzinaja valuta mižnarodnaja – heta dołar ZŠA. Isnuje zaležnaść ad taho, jakaja situacyja z dołarami. Uvieś śviet siadzić na hetaj dołaravaj ihołcy».
Pra valutnyja kredyty:
«Našaja zadača, i hetuju zadaču my niaŭchilna vykonvajem – kab pastupova, ale chutka, na praciahu maksimum dvuch-troch hod zabiaśpiečyć takuju pracu, kab unutry krainy była patreba ŭ nasielnictva dla ździajśnieńnia płaciažoŭ tolki ŭ nacyjanalnaj valucie. Tolki ŭ biełaruskich rublach. A pytańni, dla jakich patrebnaja zamiežnaja valuta, kab uźnikali ŭ ludziej tolki tady, kali jany vyjazdžajuć za miežy krainy. To bok, pravieści takuju pracu, kab minimizavać ryzyku našaha nasielnictva, našych pradpryjemstvaŭ ad zamiežnaj valuty. I ŭ tym liku ryzyki, źviazanyja z atrymańniem kredytaŭ u zamiežnaj valucie».
Pra budučyniu biełaruskaha rubla:
«Pryjdzie čas, kali našaja biełaruskaja valuta, naš biełaruski rubiel budzie volna kanviertavanaj valutaj. Tady ŭvohule adpadzie nieabchodnaść dla našaha nasielnictva chvalavacca za kursy zamiežnych valutaŭ. My pavinny žyć z našym biełaruskim rublom, žyć stabilna, žyć tak, kab mižnarodnyja finansavyja kryzisy u mienša j stupieni ŭpłyvali na nas».
Pra budučyniu valutnych kredytaŭ:
«Što datyčycca 2011 h., heta budzie pramiežkavy etap, a dalej pahladzim. Ale ja ŭpeŭjenny i dumaju pra toje, što heta budzie rašeńnie raz i nazaŭsiody. Niama nieabchodnaści padviarhać ryzycy nasielnictva. Nu, prosta kali ŭ nasielnictva budzie mocnaje žadańnie, kali praz paŭtary hady jany skažuć, što žadajuć atrymlivać kredyty ŭ zamiežnaj valucie, nu tady vyvučym. Ale pakul ja nie baču nieabchodnaści, što da hetaha pytańnia my budziem viartacca paśla 1 studzienia 2011 h. Usie pryvyknuć, usie supakojacca, usie buduć viedać, što ŭnutry Respubliki Biełaruś jość stabilny biełaruski rubiel».
Jakim budzie kurs dołara naprykancy hoda?
«Heta viedaje tolki kiraŭnik Fiederalnaj reziervnaj sistemy i prezident ZŠA. Voś jany mohuć skazać, što i jak jany chočuć rabić, što ŭ ich intaresach rabić. Nu my za ich možam skazać? My možam tolki hadać, pieraduhadvać, analizavać. Nu a pry inšych roŭnych umovach budzie toje samaje, što i siońnia. Budzie dzień uzmacniacca, dva-try dni pasłablacca, i tak heta budzie iści da kanca hoda».
Pra čutki adnosna novaj devalvacyi:
«Adzin raz my ničoha nie skazali, pierad 2 studzienia. Ale heta było patrabavańnie Mižnarodnaha valutnaha fonda, dla taho, kab atrymać hety resurs. Adzin raz my vas nie papiaredzili, i zaśpieli vas źnianacku, vy nie viedali, što budzie 2 studzienia. Ale heta adzin raz za adzinaccać hod. Adzin raz možna sabie takoje dazvolić, z ulikam takoj nadzvyčajnaj situacyi. Tamu nijakaj devalvacyi nie budzie. I pavyšeńnia stavak pa kredytach my nie čakajem. Naadvarot, pastupova, pakrysie pačynajem źnižeńnie».
Ciapier čytajuć
Staŭ viadomy prysud eks-pamočniku Łukašenki Iharu Bryło4
Kamientary