MZS Rasii vykazała zaniepakojenaść mahčymaj zabaronaju tranzitu hruzaŭ ź Biełarusi praź Litvu i papraknuła Polšču
Kamientar aficyjnaha pradstaŭnika MZS Rasii Maryi Zacharavaj u suviazi z prajektam zakona ab uviadzieńni sankcyj suprać Biełarusi, jaki razhladajecca ŭ Litvie, apublikavali siońnia.
Tam havorycca, što ŭ Rasii «z krajniaj zaniepakojenaściu ŭspryniali infarmacyju ab mahčymaj zabaronie tranzitu hruzaŭ ź Biełarusi praź Litvu».
U MZS Rasii pierakananyja, što «taki šlach tupikovy, pakolki moža zakranuć zabieśpiačeńnie Kalininhradskaj vobłaści, niehatyŭna adbicca na ekanomicy, sacyjalnym stanoviščy i jakaści žyćcia nasielnictva hetaha rehijona Rasijskaj Fiederacyi».
MZS Rasii paviedamiła, što «vyšejnazvanyja abmiežavalnyja miery ŭ vypadku pryniaćcia nie zastanucca biez uvahi z boku Rasii».
Adnačasova MZS papraknuła Polšču, što taja «biez svoječasovaha apaviaščeńnia ŭzmacniła žorstkaść patrabavańniaŭ ab pradjaŭleńni PŁR-testaŭ na rasijska-polskaj miažy, skaraciŭšy termin ich dziejańnia da 24 hadzin».
U MZS Rasii ličać, što hety krok Polšča pavinna była abmierkavać z «zacikaŭlenymi mižnarodnymi partniorami i papiaredžvać ab ich zahadzia».
Litoŭskaja mytnia nie prapuściła ŭ Biełaruś hruz, pryznačany dla «Biełavii»
«Reputacyi dziaržavy naniesienaja škoda», — prezident Litvy pra situacyju z tranzitam biełaruskaha kaliju
Litva choča zakanadaŭča zabaranić tranzit biełaruskaha kaliju
Ciapier čytajuć
U Francyi ad śpioki zahinuŭ dalnabojščyk z Dokšycaŭ8
Kamientary