Mitrapalit Kandrusievič pra incydent u Iviency
«Kaścioł nie zabaraniaje svaim viernikam udzielničać u palityčnym žyćci».
Na sajcie Katalickaha Kaściołu ŭ Biełarusi apublikavana intervju ź mitr. Tadevušam Kandrusievičam «Kaścioł siońnia nie baicca žyć u Božaj praŭdzie». U im hučać razvažańni, jakija ŭsprymajucca jak uskosnaja reakcyja mitrapalita na incydent u Iviency i nastupny adkryty list Paŭła Sieviarynca da jaho «Bojciesia Boha i bolš nikoha».
Mitrapalit havoryć: «Adnoj z metaŭ takich malitoŭnych sustreč malitoŭnaje spatkańnie moładzi ŭ Iviency źjaŭlajecca stvareńnie klimatu lubovi, davieru, uzajemarazumieńnia. Heta mahčyma tolki ŭ tym vypadku, kali my budziem z pavahaj i luboŭju adnosicca adno da adnaho, a taksama pamiatajučy pra hałoŭnyja mety dadzienych mierapryjemstvaŭ. Pieraprašaju, kali heta nie zusim udałosia».
Taksama kiraŭnik Kaściołu vykazvajecca datyčna ŭdziełu katalikoŭ u palityčnym žyćci:
«Kaścioł nie zabaraniaje svaim viernikam udzielničać u palityčnym žyćci. Kaścioł zabaraniaje śviataram vystaŭlać svaju kandydaturu na vybary ŭ zakanadaŭčyja i vykanaŭčyja orhany ŭłady. Zatoje jon zaachvočvaje viernikaŭ prymać udzieł u palityčnym i hramadskim žyćci,bo mienavita jany, kali buduć sapraŭdnymi chryścijanami, buduć spryjać, kab maralnyja pryncypy zachoŭvalisia pry pryniaćci zakonaŭ i ich praktyčnym vykanańni».
«Dazvolu sabie pryvieści jašče adnu cytatu z Kampiendyuma. «Dla śvieckich viernikaŭ palityčnaja dziejnaść źjaŭlajecca hodnym i adkaznym vykanańniem chryścijanskich abaviazkaŭ słužyć bližnim», — kaža mitrapalit.
Mitrapalit Kandrusievič taksama ŭźnimaje pytańni supracy ź inšymi kanfiesijami, hramadskimi arhanizacyjami, palityčnymi partyjami, dziejnaść Kaściołu ŭ spravie abarony siamji i svabody sumleńnia.
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury6
Kamientary