NYT: Kali Rasija akupuje Ukrainu, ZŠA padtrymajuć partyzanski ruch u joj
ZŠA pierakananyja: uvarvańnie Rasiei abaviazkova vykliča masavy supraciŭ va Ukrainie i, u vypadku akupacyi, paŭstancki ruch. Tamu Pientahon maje namier dapamahać ukraincam, kali padziei sapraŭdy buduć razhortvacca pa najhoršym scenary. Pra heta havorycca ŭ artykule The New York Times.
U Złučanych Štatach razhladajuć mahčymaść padrychtoŭki ŭkrainskich bajcoŭ, kali Rasieja akupuje bolšuju častku abo ŭsiu terytoryju Ukrainy.
Adznačajecca, što na praciahu mnohich hadoŭ čynoŭniki ZŠA vahalisia adnosna taho, jakuju vajskovuju padtrymku akazać Ukrainie, bajučysia spravakavać Kreml. Ciapier administracyja Bajdena razhladaje mahčymaść padtrymać mahčymy paŭstancki ruch u vypadku akupacyi Rasijaj.
U pryvatnaści, płan dapamohi ŭkrainskim paŭstancam uklučaje varyjanty dapamohi, jakija dazvolać paŭstancam nieprykmietna vyjazdžać z Ukrainy i viartacca nazad.
Akramia materyjalna-techničnaj padtrymki i ŭzbrajeńnia, Złučanyja Štaty i sajuźniki pa NATA taksama mahli b pieradavać miedycynskaje abstalavańnie. Surazmoŭca NYT kaža, što ŭ vypadku eskałacyi ZŠA amal dakładna budzie pastaŭlać zbroju ŭkraincam.
Admirał ZŠA, były kamandujučy vajskovymi siłami NATA ŭ Jeŭropie Džejms Staŭrydzis źviarnuŭ uvahu, što ZŠA padtrymlivali madžachiedaŭ u Afhanistanie suprać savieckaha ŭvarvańnia ŭ kancy 1970-ch, 1980-ch hadach.
«Uzrovień vajskovaj padtrymki ŭkrainskaha supraciŭleńnia budzie na paradak vyšejšy za toj, jaki my akazvali afhancam», — kaža Staŭrydzis.
Raniej u ZŠA zajavili, što vajennaje ŭvarvańnie Rasiei va Ukrainu moža pačacca ŭ pramiežak ź siaredziny studzienia da siaredziny lutaha.
Kamientary