Kałasalnaje vyviaržeńnie padvodnaha vułkana ŭ Cichim akijanie: cunami ŭdaryła pa Tonha i ruchajecca da Novaj Ziełandyi
Vyviaržeńnie hihanckaha padvodnaha vułkana ŭ Cichim akijanie vyklikała cunami ŭ raźmieščanaj niepadalok astraŭnoj dziaržavie Tonha, piša Bi-bi-si.
Na kadrach, apublikavanych u sacyjalnych sietkach, bačna, jak vada zalivaje carkvu i niekalki damoŭ. Vidavočcy paviedamlajuć pra doždž z popiełu ŭ stalicy Nukuałofa, za 65 kiłamietraŭ ad vułkana. Karala Tonha evakujavali z pałaca.
Tsunami videos out of Tonga this afternoon following the Volcano Eruption. pic.twitter.com/JTIcEdbpGe
Papiaredžańnie ab cunami prymusiła miascovych žycharoŭ evakujavacca na ŭzvyššy.
Abjavy pra pahrozu cunami byli raspaŭsiudžanyja ŭładami šerahu krain, raźmieščanych u Paŭdniova-Cichaakijanskim rehijonie, uklučajučy Tonha, Fidžy, Aŭstraliju i Novuju Ziełandyju.
Žycharka Tonha Miere Taŭfa raspaviała, što vyviaržeńnie adbyłosia, kali jana z rodnymi rychtavałasia da viačery, i jaje małodšy brat vyrašyŭ, što pablizu vybuchajuć bomby.
«Maim pieršym paryvam było schavacca pad stałom, ja schapiła małodšuju siastru i kryknuła baćkam i astatnim, chto byŭ u domie, kab jany zrabili toje ž samaje».
Pa słovach žančyny, paśla hetaha ŭ dom chłynuła vada.
«Paŭsiul byli čutnyja kryki, ludzi kryčali, što treba biaśpiečnaje miesca, kab usie padnialisia na vysokija miescy», — dadała jana.
Can literally hear the volcano eruption, sounds pretty violent. pic.twitter.com/gX6z2lSJWf
Heta apošniaje ź sieryi vyviaržeńniaŭ vułkana Chunha-Tonha-Chunha-Chapaaj. Słupy hazu, dymu i popiełu, jakija vyryvalisia z žarała vułkana, dasiahali ŭ vyšyniu 20 kiłamietraŭ.
Śpiecyjalist pa vułkanałohii va ŭniviersitecie Oklenda, prafiesar Šejn Kronin kaža, što heta adno z najmahutnych vyviaržeńniaŭ na Tonha za apošnija 30 hadoŭ.
«Samaje charakternaje ŭ hetym — heta nakolki chutka i burliva jano raspaŭsiudziłasia. Ciapierašniaje vyviaržeńnie akazałasia kudy bolš bujnym, imklivym, sa značna bolšaj kolkaściu vykinutaha popiełu. Ja čakaju, što na Tonha asiadzie płast popiełu niekalki santymietraŭ u taŭščyniu», — skazaŭ prafiesar u intervju Bi-bi-si.
Vaśmichvilinnaje vyviaržeńnie było takim mahutnym, što padobnyja da hrymot huki byli čutnyja navat na Fidžy — bolš čym za 800 kiłamietraŭ ad vułkana. Ułady vyspy taksama rekamiendavali žycharam pakinuć prybiarežnyja rajony i adkryli centry evakuacyi.
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary