Ministr antymanapolnaha rehulavańnia i handlu Alaksiej Bahdanaŭ raskazaŭ u efiry prahramy «Markov. Ničieho ličnoho» na ANT pra mietady strymlivańnia rostu cenaŭ, jakija buduć prymianiacca ŭ 2022 hodzie, piša Zerkalo.io.
«My, biezumoŭna, praciahniem i ŭ 2022 hodzie rehulavańnie cenaŭ, jakoje ŭ nas siońnia jość: abmiežavanyja ŭzrovień rentabielnaści vytvorcy i ŭzrovień handlovaj nadbaŭki.
Bolš za 10% rentabielnaści i bolš za 30% handlovaj nadbaŭki nielha. Buduć karacca štrafami tyja parušalniki, jakija trapiacca na takim parušeńni zakanadaŭstva ab cenaŭtvareńni», — skazaŭ Bahdanaŭ.
Taksama, pa jaho słovach, buduć prymacca zachady žorstkaha cenavaha rehulavańnia na tyja tavarnyja hrupy, jakija zaśviedčać imklivy rost u canie. Naprykład, jak heta było z harodninaj ci naboram dla baršča.
«My pastarajemsia razam z usimi zacikaŭlenymi viedamstvami maksimalna zabiaśpiečyć unutrany rynak ajčynnaj pradukcyjaj. Dolu jaje budziem pavialičvać. Heta dazvolić strymać inflacyju, bo my sami jaje vyrabili, jana apryjory tańniej i nie tak razahravaje rynak.
Akramia taho, u nas jość šyroki śpiektr antymanapolnych funkcyj. My budziem i dalej adsočvać cenavyja zmovy, kartelnyja zmovy, kab hetaha nie adbyvałasia», — dadaŭ kiraŭnik MARH.
Jon adznačyŭ, što niadaŭna ŭ Łukašenki abmiarkoŭvaŭsia novy ŭkaz «Ab udaskanaleńni sistemy dziaržaŭnych zakupak». U im zakładzieny jašče adzin miechanizm: da dziaržaŭnych zakupak nie buduć dapuskacca afilijavanyja asoby, jakija mohuć ustupać u cenavyja zmovy i hulać na pavyšeńnie pry zakupcy tych ci inšych tavaraŭ.
Kamientary