Prakuratura Viciebskaj vobłaści rasśledavała kryminalnuju spravu ŭ dačynieńni da namieśnika kiraŭnika filiała Transpartnaj inśpiekcyi pa Viciebskaj vobłaści Ministerstva transpartu Fiedčankava. Jon byŭ abvinavačany pavodle artykuła 430 KK RB «Atrymańnie chabaru».
Śledstva ŭstanaviła, što Fiedčankaŭ sa śniežnia 2006 hoda pa śniežań 2008 hoda nieadnarazova atrymlivaŭ chabar ad hramadzian i pradstaŭnikoŭ pryvatnych pradpryjemstvaŭ za vykanańnie ŭ ich intaresach zahadzia niezakonnych dziejańniaŭ, jakija jon ździajśniaŭ z vykarystańniem svaich słužbovych paŭnamoctvaŭ.
U pryvatnaści, za 300 dalaraŭ jon dapamoh paskoryć rehistracyju aŭtamabilu ŭ jakaści taksi i vydaču licenzijnaj kartki biez techahladu, za 700 dalaraŭ vydaŭ fiktyŭnyja daviedki, nieabchodnyja dla pradastaŭleńnia ŭ viciebskaje DAI, za 1500 dalaraŭ nie pryniaŭ mier pa vyjaŭleńni parušeńniaŭ transpartnaj dziejnaści ŭ adnym ź miascovych pryvatnych pradpryjemstvaŭ.
Usiaho za 2 hady jon atrymaŭ chabar na ahulnuju sumu 3900 dalaraŭ ZŠA i 300 jeŭra.
Jak paviedamlaje pres‑słužba Hienprakuratury, sudom Kastryčnickaha rajona h. Viciebska Fiedčankaŭ asudžany na 6 z pałovaj hadoŭ pazbaŭleńnia svabody z kanfiskacyjaj majomaści.
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary