Pasoł Ukrainy skazaŭ, što Kijeŭ moža admovicca ad ŭstupleńnia ŭ NATO. A potym skazaŭ, što jaho niapravilna zrazumieli
«Pytańnie, jakoje kraina z 40 młn čałaviek zadaje sabie: jak nam vyžyć kali jany napaduć zaŭtra?» — zajaviŭ pasoł Ukrainy ŭ Vialikabrytanii Vadzim Prystajka ŭ intervju radyjo Bi-bi-si.
Ukraina moža admovicca ad ŭstupleńnia ŭ NATA, kab paźbiehnuć vajny z Rasijaj, zajaviŭ pasoł Ukrainy ŭ Vialikabrytanii Vadzim Prystajka ŭ intervju radyjo Bi-bi-si.
Žurnalist spytaŭ dypłamata, ci moža Ukraina pajści na taki krok dziela miru, paśla čaho Prystajka zajaviŭ, što Kijeŭ daŭno padšturchoŭvajuć da takoha rašeńnia, u tym liku i «hałasy z NATO».
«Pytańnie, jakoje kraina z 40 młn čałaviek zadaje sabie: jak nam vyžyć kali jany napaduć zaŭtra? Ci zmožam my razradzić situacyju, zastajučysia nieabaronienymi i nie ŭvachodziać ni ŭ adzin aljans, kali ŭsie našy siabry i susiedzi ŭžo siabry arhanizacyi?» — padzialiŭsia pasoł.
Paśla hetaha žurnalist paprasiŭ Prystajku prosta adkazać, ci moža Ukraina admovicca ad ŭstupleńnia ŭ NATO, kab paźbiehnuć vajny z Rasijaj.
«My mahli b, asabliva pad pahrozaj nas mohuć da hetaha padšturchnuć. <…> My hnutkija ŭ pošuku najlepšaha vychadu, kali nam daviadziecca pajści na niejkija surjoznyja sastupki, heta toje, što my mahli b zrabić», — zajaviŭ ukrainski dypłamat.
Paźniej Vadzim Prystajka zajaviŭ, što jaho słovy pra mahčymaść admovy ad členstva krainy ŭ NATO byli niapravilna zrazumiełyja, Kijeŭ nie admaŭlajecca ad imknieńnia ŭstupić u aljans.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary