Dziarždep rekamiendavaŭ amierykancam nieadkładna pakinuć Biełaruś
Ułady ZŠA rekamiendavali svaim hramadzianam nieadkładna pakinuć Biełaruś u suviazi ź situacyjaj vakoł Ukrainy. Pra heta havorycca ŭ zajavie, raspaŭsiudžanaj Dziarždepartamientam.
«Nie jeździcie ŭ Biełaruś z-za samavolstva ŭ vykanańni miascovych zakonaŭ, ryzyki zatrymańnia, naroščvańnia sił Rasijaj uzdoŭž miažy Biełarusi z Ukrainaj, što vyklikaje niespakoj, a taksama z-za kavidu i źviazanych z hetym abmiežavańniaŭ na ŭjezd. Hramadzianam ZŠA ź Biełarusi varta nieadkładna źjechać, skarystaŭšysia hramadskim ci pryvatnym transpartam», — havorycca ŭ zajavie.
U dakumiencie ŭdakładniajecca, što «31 studzienia 2022 hoda Dziarždepartamient rasparadziŭsia ab adjeździe členaŭ siemjaŭ dziaržsłužačych ZŠA z ambasady ŭ Minsku».
U amierykanskim zamiežnapalityčnym viedamstvie ličać, «što hramadzianam ZŠA, jakija znachodziacca ŭ Biełarusi ci razhladajuć mahčymaść pajechać tudy, varta ŭličvać, što situacyja źjaŭlajecca niepradkazalnaj, u rehijonie pavyšanaja napružanaść».
Taksama Dziarždepartamient paraiŭ svaim hramadzianam pakinuć Prydniastroŭje.
Čytajcie taksama:
Ambasada ZŠA va Ukrainie pierajazdžaje z Kijeva ŭ Lvoŭ
Łukašenka pra vyvad rasijskich vojskaŭ paśla vučeńniaŭ: «Heta naša z Pucinym sprava»
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary