Pucin u razmovie pra Ukrainu nahadaŭ pra bambardziroŭku Juhasłavii. Čamu paraŭnoŭvać Ukrainu i Juhasłaviju niekarektna?
Prezident Rasii Uładzimir Pucin, kamientujučy aściarohi krain Zachadu nakont rasijskaha ŭvarvańnia va Ukrainu, nahadaŭ ab bambardziroŭcy NATA Biełhrada ŭ 1999 hodzie. Pra heta jon skazaŭ padčas bryfinhu pa vynikach pieramovaŭ z kancleram Hiermanii Ołafam Šolcam.
«My z vami byli śviedkami vajny ŭ Jeŭropie… U Juhasłavii. Bujnaja vajskovaja apieracyja z naniasieńniem rakietna-bombavych udaraŭ pa adnoj ź jeŭrapiejskich stalic, pa Białhradzie… Biez sankcyi Rady Biaśpieki AAN», — nahadaŭ z uśmieškaj Pucin.
Ź jahonych słoŭ, heta «vielmi drenny prykład», jaki Rasija nibyta nie chacieła b paŭtarać u dačynieńni da Ukrainy.
«Chočam my hetaha, ci nie? Viadoma, nie», — zajaviŭ rasiejski prezident.
Pry hetym jon padkreśliŭ, što
dalejšyja dziejańni Rasii ŭ dačynieńni da Ukrainy zaležać ad taho, ci pojduć ZŠA i Paŭnočnaatłantyčny aljans na vykanańnie patrabavańniaŭ Kramla.
Takim čynam prezident Rasii vyrašyŭ pravieści paraleli pamiž situacyjaj va Ukrainie i ŭ Juhasłavii, namiaknuŭšy pra mahčymy varyjant rasijskaj ahresii suprać Ukrainy:
biez adkrytaha ŭvarvańnia vojskaŭ, ale z bambardziroŭkaj stratehičnych i vajskovych abjektaŭ.
Ci karektna paraŭnoŭvać situacyju va Ukrainie i Juhasłavii? Absalutna niekarektna.
Apieracyja NATA suprać režymu Słabadana Miłošaviča ŭ Juhasłavii ŭ 1999 hodzie była adkazam na etničnyja čystki suprać baśnijskich musulman, a paśla — i kosaŭskich ałbancaŭ.
Mižnarodny trybunał pa byłoj Juhasłavii paćvierdziŭ adkaznaść juhasłaŭskich słužbaŭ biaśpieki za złačynstvy suprać čałaviečnaści ŭ dačynieńni da ałbanskaha nasielnictva Kosava.
Šmatlikija ałbanskija kulturnyja abjekty ŭ Kosavie byli źniščanyja padčas Kosaŭskaj vajny, što źjaŭlałasia vajennym złačynstvam.
Umiašańnie NATA było kłasičnaj humanitarnaj interviencyjaj, nieabchodnaj dla spynieńnia hienacydu nasielnictva.
Vynikam apieracyi NATA suprać Juhasłavii stała spynieńnie etničnych čystak i vajny ŭ Kosava.
Va Ukrainie i blizka niama ničoha padobnaha.
U adroźnieńnie ad Juhasłavii časoŭ Miłošaviča, Ukraina źjaŭlajecca demakratyčnaj dziaržavaj, u jakoj niama ni etničnych čystak, ni sistemnaj dyskryminacyi nacyjanalnych mienšaściaŭ. Prezidentam Ukrainy źjaŭlajecca ruskamoŭny jaŭrej.
Choć Kreml i sprabuje nadać kanfliktu na Danbasie etničnuju afarboŭku (maŭlaŭ, ruskaje nasielnictva vystupaje suprać «kijeŭskich nacyjanalistaŭ»), hetaje tłumačeńnie kanfliktu nikudy nie vartaje.
Na terytoryi, padkantrolnaj Ukrainie, spakojna žyvuć miljony etničnych ruskich, i im nie pahražajuć ni etničnyja čystki, ni sistemnaja dyskryminacyja.
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
-
Fiaduta pra Aŭtuchoviča: U dvoryku «Amierykanki» jon uparta rabiŭ praktykavańni, imknučysia padtrymlivać siabie ŭ formie
-
Ci jość siarod siłavikoŭ u turmach i kałonijach dobryja ludzi? Adkazvaje Łosik
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary