Na ahulnych vybarach, jakija adbuducca ŭ Niamieččynie 28 vieraśnia, maje pajści palityčnaja partyja, čyja hałoŭnaja meta — adnavić bierlinski mur. Ideja takaja: skasavać dzialeńnie na rajony va Ŭschodnim Berlinie i zrabić novuju administracyjnuju adzinku — Ostland (Uschodniaja ziamla). Ostland budzie svabodnaj ekanamičnaj zonaj, jakaja atrymaje značnyja padatkovyja palohki, dzie stvorycca spryjalny investycyjny klimat. I mienavita, kab adasabić tuju zonu ad astatniaj Niamieččyny, tak ćvierdziać u toj partyi, i varta pabudavać mur pasiarod Bierlinu nanava.
Partyja-prychilnica adnaŭleńnia lehiendarnaha mura nazyvajecca prosta Partyjaj (pa-niamiecku Die Partei). Hetaja nazva naprastki adsyłaje da tatalitarnaha pieryjadu niamieckaj historyi, kali isnavała adnapartyjnaja systema: da fašystoŭskaj Hiermanii (čas kiravańnia Nacyjanał-Sacyjalistyčnaj Rabočaj partyi) i da HDR, dzie biaźmiežna panavała Sacyjalistyčnaja Adzinaja partyja.
Ale dosyć niehatyvu — farby možna było b zhuščać i dalej, adnak varta pryznacca: partyja «Partyja» była arhanizavanaja nie kim inšym, jak hałoŭnym redaktaram satyryčnaha časopisa «Tytanik» Martynam Zaniebornam i darma što jana aficyjna zarehistravanaja, ale ŭjaŭlaje saboj chutčej taki sabie pijar-chod z metaj papularyzacyi vydańnia, čym realny palityčny ruch.
Akramia adbudovy bierlinskaha mura, čalcy abiacajuć, što kali jany trapiać u Rejchstah, dyk kožnamu hramadzianinu vydaduć pa darmavomu šezłonhu, a taksama skasujucca padatki na abutak z abcasami (kab niemcy vyhladali vysokimi i zaharełymi).
Niahledziačy na pierabolšany papulizm, jaki miažuju ź nieschavanaj ironijaj, varta zaciemić, što «Partyja» kvitnieje ŭžo 5 hadoŭ, majučy ŭ svaich šerahach 8 tysiačaŭ siabroŭ, a taksama filijały pa ŭsio krainie. U 2005 hodzie za ich prahałasavała kala 10 tysiač čałaviek (0.022% ad ahulnaj kolkaści niamieckich vybarcaŭ) .
Aktyvisty «Partyi» ŭžo adnavili nievialiki, simvaličny, ŭčastak muru, chiba bieź minnych paloŭ, łancužnyž sabakaŭ i lohkich na spusk kurka achoŭnikaŭ, jakija padčas chałodnaj vajny pilnavali miažu pamiž Uschodnim i Zachodnim Bierlinami.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk41
Kamientary