Pradstaŭnik Jeŭrasajuza: My razhladajem mahčymaść novych sankcyj suprać Biełarusi, kali jana voźmie ŭdzieł u napadzie na Ukrainu
Jeŭrasajuz razhladaje varyjant uviadzieńnia sankcyj suprać Biełarusi, kali jana voźmie ŭdzieł u napadzie na Ukrainu. Pra heta zajaviŭ žurnalistam u Brusieli pradstaŭnik Jeŭrasajuza napiaredadni pasiadžeńnia kiraŭnikoŭ MZS 27 krain supolnaści 21 lutaha, piša Reuters.
«Tak, my razhladajem uviadzieńnie sankcyj suprać Biełarusi, kali jana prymie ŭdzieł u napadzie na Ukrainu», — skazaŭ pradstaŭnik Jeŭrasajuza, adkazvajučy na adpaviednaje pytańnie žurnalistaŭ.
Pry hetym dypłamat adznačyŭ, što na pasiadžeńni ŭ paniadziełak ministry zamiežnych spraŭ nie buduć abmiarkoŭvać novyja sankcyi suprać Mienska.
«My pracujem nad čarhovym pakietam sankcyj suprać Biełarusi, jak vy viedajecie, ale ŭ paniadziełak hetaj temy ŭ paradku dnia nie budzie», - dadaŭ jon.
U toj ža čas z padačy bałtyjskich krain mohuć abmiarkoŭvacca zachady, kab pierakryć Minsku mahčymaści dla abychodu sankcyj, jakija ŭžo ŭviedzienyja.
Jeŭraźviaz nie budzie abmiarkoŭvać uviadzieńnie novych sankcyj i suprać Rasiei da mahčymaha «ŭvarvańnia na Ukrainu», zajaviŭ pradstaŭnik JEZ. Ale, jak jon padkreśliŭ:
«Sankcyi buduć uviedzienyja vielmi chutka, kali adbudziecca ŭvarvańnie. Ale my spadziajemsia, što hetaha nie adbudziecca nikoli».
Kamientary