«Skazali, treba źjeździć u milicyju dla prafiłaktyčnaj hutarki». Jak hetym razam zatrymlivali Anatola Šałkoviča
Za Anatolem Šałkovičam siłaviki pryjechali 17 lutaha. Mužčynu paklikali nibyta na prafiłaktyčnuju hutarku, ale z adździaleńnia jon užo nie vyjšaŭ. Pra heta raskazaŭ jahony syn Anton u intervju Zerkalo.io.
Syn Anatola Šałkoviča raspavioŭ, što ŭ čaćvier viečaram da baćkoŭ pryjechali niekalki supracoŭnikaŭ. Mabyć, z RUUS.
«Skazali, treba źjeździć u milicyju dla prafiłaktyčnaj hutarki, — kaža Anton. — Kazali, maŭlaŭ, ničoha z saboj nie brać, tolki pašpart i telefon».
U suviazi z čym uźnikli pryčyny dla hutarki, u siamji Anatola Šałkoviča nie viedajuć. Sa zdahadak: nabližeńnie refierendumu.
U piatnicu, praciahvaje Anton, padčas suda blizkija daviedalisia, što pavodle pratakołu baćka akazvaŭ supraciŭ pry dastaŭcy ŭ pastarunak. Sud vyrašyŭ pakarać jaho 15 sutkami aryštu. Zaraz Anatol Šałkovič znoŭ na Akreścina.
— Jak tata siabie adčuvaŭ?
— Było stabilna, a jak ciapier, nie viedaju. Na nastupny dzień paśla taho, jak baćka vyjšaŭ z Akreścina paśla 60 sutak, jaho zabrała chutkaja. U žoŭcievym puchiry taty znajšli kamiani — i jaho vydalili, — apisvaje stan baćki Anton. — Ciapier baćku treba zachoŭvać admysłovuju dyjetu. Jeści kašy i pastajanna niešta padjadać. Mama z advakatam kazali pra heta na pracesie. Dali patrebnyja dakumienty. Ale heta ničoha nie źmianiła.
— A pra situacyju ź Siarhiejem Hłušakovym vam niešta viadoma?
— Hłušakovu, tavaryšu baćki, dasłali pozvu. U joj taksama prasili źjavicca ŭ RUUS dla prafiłaktyčnaj hutarki, — raspaviadaje Anton i adznačaje, što ŭ vyniku mužčyna taksama atrymaŭ 15 sutak.
Upieršyniu Anatol Šałkovič byŭ zatrymany 11 śniežnia 2021 hoda, u dzień svajho 65-hodździa. Akazałasia, što mužčyna vyrablaŭ bieł-čyrvona-biełyja ściahi i viešaŭ na drevy. U milicyi ź im zapisali pakajanaje videa, u jakim jon, uśmichajučysia, raspavioŭ, jak lubić spałučeńnie biełaha i čyrvonaha koleraŭ, naprykład pamidory sa śmiatanaj. Rolik adrazu staŭ vielmi papularny, a vyraz pieratvaryŭsia ŭ miem.
Ale paśla 15 sutak mužčyna nie vyjšaŭ — jaho try razy pierazatrymlivali i vyzvalili tolki paśla 60 sutak. Pra znachodžańnie na Akreścina palitviazień raskazvaŭ u šmatlikich intervju, u tym liku i «Našaj Nivie».
Čytajcie taksama:
Znoŭ zatrymali Anatola Šałkoviča, aŭtara miema pra pamidory sa śmiatanaj
Hieroj miema pra pamidory sa śmiatanaj raskazaŭ pra apieracyju, łajfchaki dla Akreścina i budučyniu
Hieroj miema pra pamidory sa śmiatanaj patrapiŭ byŭ u lakarniu. Ale ŭ jaho ŭžo ŭsio dobra
«Na mianie idzie čałaviek z ružžom i ščytom. Ja trochi ździviŭsia». Pieršaje intervju kultavaha Anatola Šałkoviča, jaki lubić «pamidory sa śmiatanaj»
Stała viadoma, pra što 60 sutak za kratami maryŭ Anatol Šałkovič — aŭtar miema pra pamidory sa śmiatanaj
-
Litva paličyła fihuranta rasśledavańnia «Našaj Nivy» Skindzierava pahrozaj nacyjanalnaj biaśpiecy i źbirajecca pazbavić statusu ŭciekača
-
U pryhraničnych Lelčycach vučylisia razhortvać ruchomyja punkty charčavańnia i rečavaha zabieśpiačeńnia
-
U Viciebsku na piešachodnym pierachodzie pastavili niezvyčajnyja słupki. Jak jany pracujuć?
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary