Abmiežavańni na apłatu ŭ valucie i pakupki ŭ anłajn-servisach. U jakich bankaŭ ciapier prablemy z kartkami?
Sabrali asnoŭnuju infarmacyju pra banki, u jakich ad siońnia pieraboi z apieracyjami pa kartkach.
U niekatorych bankaŭ ad siońnia prablemy z kartkami Visa. Adzin ź ich — «BiełVEB».
«Bank adnym ź pieršych sutyknuŭsia z nastupstvami sankcyj ES i ZŠA. Infarmujem, što ažyćciaŭleńnie apieracyj pa kartkach Visa ŭ zamiežnych anłajn-servisach «Jandeks», Wildberries, AIlExpress, Ozon i inšych, a taksama z dapamohaj Apple Ray budzie niedastupnaje.
Taksama časova ŭvodziacca abmiežavańni na pakupku zamiežnaj valuty ŭ internet-banku i mabilnym dadatku», — takuju rassyłku atrymlivajuć klijenty banka.
«BiełVEB» papiaredžvaje, što prypyniaje bieznajaŭnyja raźliki ŭ zamiežnaj valucie, apieracyi z vykarystańniem kart, vypuščannych bankami-nierezidentami Biełarusi,
«Taksama nazirajucca časovyja pieraboi pa apłacie pasłuh pa kartkach Visa, emitavanych inšymi bankami Biełarusi, u terminałach i bankamach «BiełVEB», — infarmuje bank.
Takija ž abmiežavańni jość u «Technabanka».
«Abstanoŭka skłałasia praz uviadzieńnie sankcyj u dačynieńni da banka-sponsara «BiełVEB». Ciapier «Technabank» mianiaje sponsara», — piša ŭstanova.
Prablemy z kartkami Visa jość i ŭ klijentaŭ banka RRB (jaho bank-sponsar — taksama «BiełVEB», jaki trapiŭ pad sankcyi).
Karystalnikam takich kartak časova niedastupnyja apieracyi za miežami Biełarusi (u tym liku ŭ anłajn-servisach «Jandeks», Wildberries, AIlExpress, Ozon i inšych) i apieracyi ŭ servisach dla r2r-pieravodaŭ dla kartak.
Ab prablemach z raźlikami za miažoj dla svaich klijentaŭ papiaredžvaje bank VTB.
«Kali vy ciapier znachodziciesia za miažoj, rekamiendujem źniać najaŭnyja z kartak ci vykarystoŭvać dla raźlikaŭ karty inšaha banka. U suviazi z uviadzieńniem sankcyj suprać VTB płaciežnyja sistemy mohuć spynić absłuhoŭvańnie kartak za miažoj», — takija esemeski prychodziać karystalnikam kartak.
Karty VTB nie buduć pracavać ź siervisami Apple Pay i Google Pay.
Nacbank u hetym nie bačyć nijakich prablem.
«Bankaŭski siektar Biełarusi stabilna funkcyjanuje i vałodaje dastatkovym zapasam tryvałaści dla vykanańnia ŭsich zadač, jakija stajać pierad im, va ŭmovach uzmacnieńnia hieapalityčnaj napružanaści i pašyreńnia sankcyjnaha cisku z boku šerahu dziaržaŭ», — zajaŭlaje rehulatar.
Čytajcie jašče:
«Nach** my ŭ heta ŭleźli!?» Biełaruski biznes u šoku ad napadu na Ukrainu, čakajuć maštabny kryzis
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ38
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary