Bielinviestbank i bank VTB papiaredzili, što apieracyi pa biełaruskich kartkach buduć tatalna abmiežavanyja. Zaklikajuć tych, chto ŭ zamiežžy, zdymać najaŭnyja
Pry hetym banki zapeŭnivajuć, što na terytoryi Biełarusi kartki buduć pracavać jak zvyčajna.
Paviedamleńni apublikavanyja na aficyjnych sajtach bankaŭ.
Bielinviestbank
«26 lutaha mahčymaje prypynieńnie apieracyj pa kartkach Mastercard Bielinviestbanka za miežami Respubliki Biełaruś. Na terytoryi Biełarusi buduć pa-raniejšamu dastupnyja apieracyi pa kartkach Mastercard, za vyklučeńniem płaciažoŭ u anłajn-servisach, takich jak Jandeks, Wildberries, AliExpress, Ozon i inšych, a taksama z vykarystańniem takienizavanych kartak Mastercard u kašalkach Apple Pay, Kašalok Pay™, Samsung Pay, Xiaomi Pay, Apłaci™. Taksama mahčymyja admovy ŭ absłuhoŭvańni pry ździajśnieńni apieracyj u servisach pieravodaŭ z kartki na kartku.
U zvyčajnym režymie kartki Mastercard buduć prymać u arhanizacyjach handlu i servisu Biełarusi, a taksama ŭ pryładach samaabsłuhoŭvańnia», — havorycca ŭ paviedamleńni.
Supracoŭniki banka rajać biełarusam, jakija apynulisia ŭ zamiežžy, apieratyŭna źniać z kartak najaŭnyja. U suviazi z ekstranaj situacyjaj Bielinviestbank admianiŭ kamisiju za źniaćcie najaŭnych z kartak Mastercard za miežami Biełarusi.
Tym, chto ŭ bližejšy čas płanuje vyjezd za miažu i nie maje najaŭnych, bank raić zahadzia źniać hrošy.
Bank VTB
«Apieracyi pa kartkach Visa i Mastercard, vypuščanych bankam VTB (Biełaruś), mohuć być abmiežavanyja jak na terytoryi Biełarusi, tak i za jaje miežami. Abmiežavańni mohuć paŭpłyvać na apłatu pakupak u pradpryjemstvach handlu i servisu, internecie, a taksama na źniaćcie najaŭnych za miažoj i ŭ pryładach inšych bankaŭ. Mahčymyja abmiežavańni ŭ pracy płaciežnych servisaŭ Apple Pay, Samsung Pay i inšych», — paviedamlajecca na sajcie banka.
Pry hetym atrymańnie najaŭnych hrošaj u bankamatach i ofisach banka VTB (Biełaruś) ažyćciaŭlajecca ŭ štatnym režymie. Taksama ŭ zvyčajnym režymie pracujuć sistemy dystancyjnaha bankaŭskaha absłuhoŭvańnia: možna ździajśniać apłatu pa kredytach, kamunalnych płaciažach, pieravodzić srodki z dapamohaj ARIP.
Kamientary