Minčuka asudzili na dva hady kałonii za adzin fotazdymak z maršu
Na sudzie palitviazień vinu nie pryznaŭ i ličyć, što jaho vina nie dakazanaja.
U sudzie Kastryčnickaha rajona Minska 17 sakavika da dvuch hadoŭ kałonii ahulnaha režymu asudzili 40-hadovaha palitźniavolenaha minčuka Andreja Čudzinava. Jaho abvinavacili pa č. 1 art. 342 Kryminalnaha kodeksa (udzieł u dziejańniach, jakija hruba parušajuć hramadski paradak) za ŭdzieł u «Maršy Novaj Biełarusi» 23 žniŭnia 2020 hodu. Spravu razhladała sudździa Volha Niaborskaja, paviedamlajuć pravaabaroncy.
Zhodna viersii abvinavačvańnia, 23 žniŭnia 2020 hoda, znachodziačysia na prajeznaj častki kala praśpiektu Niezaležnaści ŭ Minsku jon publična zaklikaŭ da aktyŭnaha ŭdziełu ŭ hrupavych dziejańniach, jakija hruba parušajuć hramadski paradak. Heta vyjaviłasia ŭ tym, što jon «publična vykrykvaŭ łozunhi, hučna plaskaŭ u dałoni, znachodziŭsia na prajeznaj častcy, čym błakiravaŭ i pieraškadžaŭ ruchu transpartu ŭ Minsku».
Asnoŭnym i adzinym dokazam viny Čudzinava staŭ fotazdymak z Marša 23 žniŭnia 2020 hoda na jaho telefonie, jaki raniej zabrali supracoŭniki.
Andrej Čudzinaŭ znachodzicca pad vartaj u turmie №8 u Žodzinie bolš za dva miesiacy — jaho zatrymali 4 studzienia 2022 hoda, kali jon sam pryjšoŭ u Śledčy kamitet. Jamu źmianili mieru strymańnia. Na sudzie palitviazień vinu nie pryznaŭ i ličyć, što jaho vina nie dakazanaja.
Ale sudździa Volha Niaborskaja pryznačyła jamu dva hady kałonii va ŭmovach ahulnaha režymu.
Ciapier čytajuć
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary