«Da piensii dadali 7%, a brykiet supu padaražeŭ na 30%!» Słuččanka — pra toje, jak vyraśli ceny na pradukty
Biełarusy znoŭ nazirajuć nieadjemnuju ad biełaruskaha ekanamičnaha cudu zjavu ‒ rost cen. I kali pierapisvańnie ceńnikaŭ možna patłumačyć rostam dalara, taksama niaźmiennaha spadarožnika ajčynnaj stabilnaści, to rost cen na biełaruskija tavary vyklikaje ŭ ludziej ščyraje ździŭleńnie.
Ała Alaksandraŭna, žycharka Słucka, padzialiłasia svaim nazirańniem ź miascovym vydańniem «Kurjer».
«Ja žyvu na vuł. 14 Partyzan, chadžu za praduktami ŭ najbližejšy supiermarkiet. Kupiła tam 16 sakavika brykiety harochavaha supu, lidskaha ‒ naš biełaruski tavar — za 99 kapiejek. Nastupnym razam 23 sakavika prychodžu ŭ kramu i baču, što hety ž sup užo kaštuje 1,29 rubla. Ja kažu pradaŭcu: «Čamu za niekalki dzion naš biełaruski tavar na 30 kapiejek padaražeŭ?» Jana mnie: «Dalar padaražeŭ».
Pry čym tut dalar dla našaha biełaruskaha supu? Jana mnie: «Vydatki na bienzin, toje-sioje». Dy nie mahli jaho za niekalki dzion novy zavieźci! Potym hladžu, znoŭ ža naš tavar ‒ minierałka «Daryda» ‒ 1,49 rubla, a była ‒ 1,19. Što robicca, niezrazumieła!
Ujaŭlajecie, naš sup za niekalki dzion padaražeŭ na 30%, a minierałka ‒ na 25! Žančyna, jakaja stajała pobač, ustupiła ŭ razmovu: «Hetak ža piensiju padniali, što vy chočacie?»
Dyk da piensii dadali 7%, a brykiet biełaruskaha supu padaražeŭ na 30%!
My z mužam žyviem udvaich, u jaho narmalnaja piensija. Ale ja zaŭsiody chvalujusia za inšych.
Voś u mianie siabroŭka ‒ adna, adzin kašalok. Piensija ‒ 400 rubloŭ. I za kvateru zapłaci, za leki. Pa joj takija košty ŭdaryli baluča…
Syr, kaža, i nie maru kupić», ‒ raspaviała Ała Alaksandraŭna žurnalistam.
«Kali ŭ vas zastaniecca pałova ciapierašniaha zarobku ‒ heta budzie dobra». Rynak pracy ŭ Biełarusi čakaje šok
Pavodle danych Biełstata, siaredniaja piensija ŭ Biełarusi skłała za luty 2022 hoda 515,9 rubloŭ. Takaja jana ŭžo paŭhoda. I ŭžo 5 miesiacaŭ jak realnaja piensija ŭ Biełarusi padaje, to-bok z kožnym miesiacam piensijanier moža dazvolić sabie na hetyja hrošy ŭsio mienšy košyk tavaraŭ.
Kamientary