Supiernikami barysaŭskaha kłuba pa Lizie Jeŭropy mahli stać «Vierder», «Eviertan», «Chierenvien», «Dynama» Zahrab. Jak jany praviali svaje matčy ŭ čaćvier?
U čaćvier prajšli matčy pieršyja matčy plej‑of Lihi Jeŭropy.
Nahadajem, što supiernikami barysaŭskaha kłuba mahli stać «Vierder», «Eviertan», «Chierenvien», «Dynama» Zahrab. Trapiŭsia, jak viadoma, bałharski «Liteks». A jak astatnija praviali svaje matčy?
Bremienski «Vierder» pieramoh na svaim poli kazachstanski «Aktabe» - 6:3.
«Dynama» Zahrab razhramiŭ u Charvatyi šatłandski «Charts» — 4:0, z takim ža likam «Eviertan» razhramiŭ na svaim poli ałamoŭckuju «Sihmu» (Čechija) — 4:0,
a hałandski «Chierenvien» u haściach zhulaŭ uničyju z hreckim PAOKam (Sałoniki) — 1:1.
***
Nahadajem, što barysaŭski BATE ŭ čaćvier u Barysavie niečakana prajhraŭ bałharskamu «Liteksu» z Łovieča — 0:1.
Zrešty, u adroźnieńnie, ad matču z «Vientśpiłsam», dzie biełarusam treba było ŭ matčy ŭ adkaz vyjhrać z roźnicaj u dva miačy, ciapier dastatkova vyjhrać 2:1, abo 3:2, abo ŭ asnoŭny čas — 1:0, a tam spadziavacca na dadatkovy čas ci sieryju pienalci.
Praŭda, budzie toje ŭ haściach. Plus dadajecca bałkanski faktar, dzie ciažka vytrymać presinh haspadaroŭ dy trybunaŭ.
Barysaŭskija zaŭziatary ŭčora samaaddana padtrymlivali svaich futbalistaŭ. Trybuny nie zmaŭkali ni na chvilinu. Pačynała ŭschodniaja trybuna, jaje padtrymlivała zachodniaja. Dyj žurnalisty taksama ščyra padtrymlivali kamandu, nie raŭnia matču z Charvatyjaj. Reahavali na kožny vostry momant u varot «Liteksa», skokvali na nohi, nu i, što praŭdu chavać, łajalisia matam, kali Skavyš nie traplaŭ u varoty, abo kali zabiŭ Sandryńjo.
Praŭda, paśla zabitaha hołu častka zaŭziataraŭ pačała pakidać matč, ale absalutnaja bolšaść hnała kamandu napierad, dadadzienyja arbitram chviliny ŭsie praviałdi na nahach, a pa skančeńni hulni trybuny zładzili avacyju hulcam.
Jany vierać u kamandu, i zadača BATE daj boj u Łoviečy.
«Liteks» - heta nie «Eviertan» i nie «Vierder».
Vyjhraŭ ža letaś BATE ŭ Safii ŭ «Leŭski» ź likam 1:0, a sioleta «Sełtyk» paśla parazy ŭ Hłazha 1:0, pieramoh u Maskvie «Dynama» 2:0.
Kab lepiej padrychtavacca da matču, što projdzie 27 žniŭnia, barysaŭski kłub paprasiŭ pieranieści matč čempijanatu Biełarusi sa «Smarhońniu», što pavinien byŭ prajści na hetych vychodnych.
Pačakajem čaćviarha. Vielmi ŭžo chočacca futbolnaj vosieni. I vinavaty va ŭsim BATE, jaki nas hod tamu pryvučyŭ da takoha.
Ciapier čytajuć
U Minsku kampaniju z 18 čałaviek zatrymali na pikniku ŭ parku4
Kamientary