BATE — «Liteks» — 0:1.
Barysaŭski BATE značna ŭskładniŭ sabie zadaču vychadu ŭ Hrupavy etap Lihi Jeŭropy paśla chatniaha paražeńnia ad bałharskaha "Liteksa" ŭ pieršaj sustrečy.
Pieršy tajm prajšoŭ u roŭnaj baraćbie, kamandy prykładna adnolkava atakavali i bili pa varotach, ale ŭ asnoŭnym ŭdary išli mima ramki. Tolki adnojčy Siarhiej Kryviec sa štrafnoha paturbavaŭ sierbskaha varatara "Liteksa" Hałubaviča.
Tym nie mienš samy realny šaniec adkryć lik u pieršaj pałovie hulni mieli biełarusy. Na 42-oj chvilinie Maksim Skavyš nievytłumačalnym čynam pramachnaŭsia pa varotach paśla ŭdaru hałavoj.
U druhim tajmie povadaŭ chapacca za hałovy ŭ zaŭziataraŭ na paŭniutkaj barysaŭskaj arenie było našmat boleš. Užo ŭ samym pačatku tajmu narviežski refiery nie zafiksavaŭ hulniu rukoj u štrafnoj abaroncam "Liteksa".Chapała momantaŭ i tak.
BATE całkam prybraŭ inicyjatyvu da siabie. "Liteks" absalutna ničoha nie moh zrabić u atacy. I treba ž takomu zdarycca — barysaŭcy sami pryvieźli hoł u svaje varoty.
Abaronca nacyjanalnaj zbornaj Siarhiej Sasnoŭski niaŭdała skinuŭ miač varataru, faktyčna padaryŭšy napadniku supiernika vychad adzin na adzin. Hutar ź pieršym udaram spraviŭsia, ale dabivańnie brazilskaha lehijaniera Sandryńjo stała rakavym.
Praŭda, užo praz chvilinu BATE mieŭ šaniec adyhracca, ale z udaram Paŭła Niechajčyka cudoŭna spraviŭsia sierbski hałkipier haściej. BATE nie zbaŭlaŭ abarotaŭ da finalnaha śvistka, ale zabić tak i nie zmoh — 0:1.
Paśla matču Viktar Hančarenka zajaviŭ, što nie moža papraknuć svaich chłopcaŭ, bo jany dziejničali dobra. Na jahonuju dumku, šancy jašče nie stračanyja i ŭsio vyrašycca praz tydzień u Bałharyi.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary